Հեֆֆերն. ՏՏ ոլորտը շատ խոստումնալից է Հայաստանի և ԱՄՆ-ի միջև փոխշահավետ գործակցության տեսանկյունից
Ստենֆորդի համալսարանի Քաղաքացիական և բնապահպանական ճարտարագիտության ֆակուլտետում մեկնարկել է «ԱրմԹեք» համաժողովը: Այն անցկացվում է Հայաստանի վարչապետի հովանու ներքո:
Կազմակերպիչների հաղորդմամբ, համաժողովն այցելող բարձրաստիճան պաշտոնյաների և ոլորտի ղեկավարների շարքում են Հայաստանի վարչապետ Տիգրան Սարգսյանը և Հայաստանում ԱՄՆ-ի դեսպան Ջոն Հեֆֆերնը:
Այս ռազմավարական բիզնես ֆորումի նպատակն է միավորել բարձրագույն տեխնոլոգիաների ոլորտի ղեկավարների, հետազոտողների և գիտակրթական ու վենչուրային կապիտալի համայնքի ներկայացուցիչների և այլ ներդրողների, ինչպես նաև Սիլիկոնային հովտի, Հայաստանի, Եվրոպայի և այլ աշխարհագրական վայրերի բարձրաստիճան պաշտոնյաների՝ ուսումնասիրելու համար Սիլիկոնային հովտում և Հայաստանում հաջորդ սերնդի զարգացող շուկաները և հարակից տեխնոլոգիաները, ինչպես նաև ուղղորդելու համար Հայաստանը բարձր տեխնոլոգիաների զարգացման հաջորդ փուլ:
«Հայաստանի բարձր տեխնոլոգիաների ոլորտի առաջընթացը և ձեռքբերումները վերջին տարիների ընթացքում, ինչպես նաև հայկական տեխնոլոգիական հանրության զարգացման իրական անհրաժեշտությունը, ստիպում են մեզ բարելավել բարձր տեխնոլոգիաների մասնագետների կապը և համագործակցությունը, ստեղծել միջազգային գործարար հմտություններ և կատարելագործել զարգացած բարձր տեխնոլոգիաների ոլորտի կազմը: Մենք պետք է նաև զարգացնենք բիզնես հնարավորություններ և ստեղծենք նոր կապեր՝ ապահովելու համար համատեղելի, համապարփակ գործունեություն, որը կբարելավի Հայաստանի և տեղեկատվական/բարձր տեխնոլոգիաների ոլորտի գործարար միջավայրը»,-ասել է ՀՀ վարչապետ Տիգրան Սարգսյանը:
«ՏՏ ոլորտը շատ խոստումնալից է Հայաստանի և ԱՄՆ-ի միջև փոխշահավետ գործակցության տեսանկյունից: Ամերիկյան ՏՏ ներդրումները օգնում են փոխակերպել Հայաստանը 21-րդ դարի գիտելիքահենք տնտեսության. դա հենց այն է, ինչի կարիքն այս երկիրն ունի: Շնորհակալություն ԱՐՄԹԵՔԻ՝ այս կարևոր համաժողովի, բոլոր կազմակերպիչներին և մասնակիցներին՝ ԱՄՆ-Հայաստան տնտեսական կապերի ամրապնդման մեջ իրենց ներդրման համար: Ես նաև ողջունում եմ վարչապետ Տիգրան Սարգսյանի մասնակցությունը, որը Հայաստանում ՏՏ ոլորտի առաջնորդն է», - հայտարարել է Հայաստանում ԱՄՆ դեսպան Ջոն Հեֆֆերն:
«Հայաստանի տնտեսության հեռանկարները զգալիորեն պայմանավորված են բարձր տեխնոլոգիաների ոլորտի զարգացմամբ», - ընդգծել է, Հայաստանի Հանրապետության Էկոնոմիկայի նախարար Տիգրան Դավթյանը:
«Լինելով ակտիվորեն ներգրավված, ի թիվս այլ ներդրողների և բարձր տեխնոլոգիաների ոլորտի պաշտոնյաների, ԽՍՀՄ փլուզումից հետո «զրո տնտեսությունից» Հայաստանի անցումը նոր տնտեսության դյուրացնելու գործում ես տեսա մի հրաշք, թե ինչպես այս փոքրիկ երկիրը ի վիճակի եղավ ընդամենը մի քանի տարում ստեղծել նախանձելի մակարդակի բարձր տեխնոլոգիաների ոլորտ և սկսեց իր ներդրումն ունենալ այդ բնագավառի համաշխարհային համայնքի մեջ: Մենք շատ շնորհակալ ենք Քաղաքացիական և բնապահպանական ճարտարագիտության ֆակուլտետին այս եզակի իրադարձությունը Ստենֆորդ համալսարանում հյուրընկալելու համար», - ասել է Սիլիկոնյան հովտի բարձր տեխնոլոգիաների ոլորտի վետերան և Արմթեք համաժողովի համահիմնադիր Թոնի Մորոյանը:
«Հինգերորդ ԱրմԹեք համաժողովը համախմբում է Հայաստանի կառավարության բարձրագույն մարմիններին, գործարար առաջնորդներին և գիտակրթական համայնքի ներկայացուցիչներին՝ ի ցուցադրում Հայաստանի բարձր տեխնոլոգիաների գործարար տնտեսության: Հայաստանում բարձր տեխնոլոգիաների տնտեսության կառուցման իր վաղ քննարկումների փուլից համաժողովը վերաճել է մինչև Հայաստանում բարձր տեխնոլոգիաների ներկայիս հաջողությունների տոնման փուլ: Չնայած, որ միշտ ավելին անելու անհրաժեշտություն կա, Հայաստանի առաջընթացը անշուշտ տպավորիչ է»:
«Երբ ի հայտ են գալիս նոր տնտեսություններ, մենք տեսնում ենք ճկուն և կայուն ենթակառուցվածքների կառուցման մեծ ներուժ, օգտագործելով զարգացող տեխնոլոգիաներ, ուսումնասիրելով նոր նյութեր և տեխնոլոգիաներ, անդրադառնալով շրջակա միջավայրի վրա ազդող խնդիրներին, որոնք, հնարավոր է, երկար ժամանակ անտեսված են եղել, և կիսելով մեր փորձը, թե ինչպես կանխել աղետները: ԱրմԹեք համաժողովը տրամադրում է եզակի հնարավորություն բահայատելու մեր մտքերը՝ այդ հարցերին անդրադառնալիս: Մենք ուրախությամբ հյուրընկալում ենք միջոցառումը և ակնկալում ենք արդյունավետ փոխներգործություն»,- ասել է Սթենֆորդ համալսարանի Քաղաքացիական և բնապահպանական ճարտարագիտության պրոֆեսոր Էնն Քիրեմիջյանը:
Միջոցառումը կցուցադրի ՀՀ համաշխարհային բարձր տեխնոլոգիաների արդյունաբերության ունակությունների տպավորիչ զարգացումը՝ միավորելով այն կազմակերպություններին, ներդրողներին ու անհատներին, ովքեր հետաքրքրված են Հայաստանում արագ աճող բարձր տեխնոլոգիաների ոլորտով:
Սա արդեն հինգերորդ ամենամյա ԱրմԹեք համաժողովն է, որն անց է կացվում «Սովորել անցյալից, բացահայտել ապագան» կարգախոսի ներքո:
Այս մեկ օր տևողությամբ միջոցառումը միջավայր կտրամադրի բիզնեսի, կառավարության և կրթական ոլորտների ներկայացուցիչների համար՝ քննարկելու Հայաստանի բարձր տեխնոլոգիաների տնտեսությունը և հարթակ մշակելու դրա հետագա զարգացման համար: Օգտվելով «պանելային քննարկում» ձևաչափից՝ համաժողովը մասնակիցներին և ներկայացուցիչներին ներգրավելու պատշաճ ձևաչափ է տրամադրում հասնելու համաձայնության մի հարթակում, որը կօգնի որոշել Հայաստանի բարձր տեխնոլոգիաների տնտեսության զարգացման ուղղությունը մոտակա մի քանի տարիների համար: Բացի այդ, այն կբացահայտի մասնակիցների համար ներդրումային հնարավորություները, և կօգնի այս նորաստեղծ հանրապետությանն ավելի լավ հասկանալ և պատրաստել իր կարճաժամկետ և երկարաժամկետ նպատակներն ու խնդիրները՝ նպաստելով անհատների և ներդրողների համար էլ ավելի բարենպաստ միջավայրի և Հայաստանին հատուկ արժեքների ստեղծմանը՝ Հայաստանի և Սիլիկոնային հովտի միջև արդեն իսկ առկա ամուր կապերի և կամրջի միջոցով Հայաստանում գործողություններ ծավալելու համար:
Տեղեկանք`
Տեղակայված լինելով Հայաստանում և Սիլիկոնյան հովտում՝ ԱրմԹեքը՝ բարձր տեխնոլոգիաների համաշխարհային ռազմավարական բիզնես ֆորումը, հարթակը և համաժողովը, հիմնադրվել է արդյունաբերության և բիզնես մասնագետների համայնքի ներկայացուցիչների կողմից՝ Հայաստանի արագ զարգացող բարձր տեխնոլոգիաների ոլորտի աճը խթանելու համար՝ տրամադրելով կայուն և արդյունավետ կամուրջ Սիլիկոնային հովտի և Հայաստանի միջև բոլոր երեք ոլորտներում՝ համալսարան, արդյունաբերություն և կառավարություն՝ ի ցույց դնելու Հայաստանը՝ որպես ներդրումների համար մեծ ներուժ ունեցող օֆշորային վայրի և խթանել մասնագիտական աճը բարձր տեխնոլոգիաների հայկական աշխարհասփյուռ համայնքում:
Կազմակերպիչները ողջունում են համագործակցությունն այն անձանց հետ, ովքեր ունեն նույն գաղափարները և չունեն որևէ քաղաքական նպատակներ: Սիլիկոնային հովտում 2007-ին և 2009-ին, Հայաստանում՝ 2008-ին և 2011-ին հաջողությամբ անցկացված ԱրմԹեք համաժողովներից հետո, միջազգային տեխնոլոգիական և գործարար համաժողովների շարունակական անցկացումը դարձել է կազմակերպության հիմնական նպատակը: ԱրմԹեքի նպատակներն են` հայկական բարձր տեխնոլոգիաների ոլորտի մասնագետների և արդյունաբերության համար ապահովել կապեր և ռեսուրսներ, ինչպես նաև անհատների կամ համաշխարհային կազմակերպությունների մասնակցությունը, որոնք կարող են շահել համագործակցությունից և Հայաստանի բարձր տեխնոլոգիաների ոլորտում ներդրումներից, խթանել բիզնես հնարավորությունները, ընդգծել Հայաստանի բարձր տեխնոլոգիաների ոլորտի աճը, խթանել միջազգային համագործակցությունը և ներդրումները: Լրացուցիչ տեղեկատվության համար այցելեք www.armtechcongress.com կայքէջը:
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
