Տ. Ջրբաշյան. «Ամերիաբանկ»-ի լիզինգառուները նաև փոքր և միջին ձեռնարկություններն են
Եթե նախկինում «Ամերիաբանկ»-ի հիմնական լիզինգառուները խոշոր կորպորատիվ հաճախորդներն էին, այժմ արդեն աշխատում է նաև փոքր և միջին ձեռնարկությունների հետ: Լրագրողների հետ հանդիպման ժամանակ այս մասին ասաց «Ամերիաբանկ» ՓԲԸ-ի տնօրինության անդամ, զարգացման գծով տնօրեն Տիգրան Ջրբաշյանը:
«Մեծ ծավալով լիզինգային պորտֆել կա: Եթե նախկինում մեր հիմնական լիզինգառուները խոշոր կորպորատիվ կլիենտներն էին, համապատասխանաբար ամեն մի լիզինգային պայմանագիր մեծ գումարի էր, այժմ, որպես ունիվերսալ բանկ, բավական մեծ փոփոխություններ կատարեցինք լիզինգային առաջարկների մեջ, սկսեցինք աշխատել փոքր և միջին ձեռնարկությունների հետ: Մեր պորտֆելը մեծ մասամբ դիվերսիֆիկացված է և բավականին փոքր լիզինգային պայմանագրերով ենք աշխատում: Պահանջարկը բավական մեծ է»,- ասաց նա: