Տնտեսագետ. Հայաստանից Ռուսաստան փոխանցվող գումարների ծավալն ավելացել է
Մարտ ամսին տրանսֆերտների նվազման տեմպերը շարունակում են պահպանվել: Նախորդ տարվա համեմատ զուտ ներհոսքի ծավալը նվազել է 1,6 անգամ, ընդ որում Ռուսաստանից` 2,4 անգամ: Արդյունքում 1-ին եռամսյակի համար տրանսֆերտների զուտ ներհոսքը նվազել է 2 անգամ, Ռուսաստանից` 2,7 անգամ: Ընդ որում, այս տարի ավելացել են Հայաստանից դեպի Ռուսաստանից փոխանցվող գումարների ծավալները 10 տոկոսով: Panorama.am-ի հետ զրույցում նման տվյալներ ներկայացրեց տնտեսագետ Մեսրոպ Առաքելյանը:
«Առաջին եռամսյակում Հայաստանից ֆիզիկական անձանց միջոցով գումարների արտահոսքը կազմել է 60 մլն դոլար՝ անցած տարվա 55 մլն դոլարի համեմատ: Առաջին երեք ամսվա կտրվածքով այդ գումարը մի փոքր ավելացել է, սա լուրջ ազդեցություն ֆինանսական շուկայի վրա չի կարող ունենալ, սակայն դա բավականին հատկանշական է, քանի որ Ռուսաստանում առկա ֆինանսատնտեսական ճգնաժամի պայմաններում մոտ երեք անգամ այնտեղից ուղարկվող տրանսֆերտները պակասել են»,-ասաց Մ. Առաքելյանը:
Տնտեսագետը ընդգծեց, որ խոսքը վերաբերում է միայն ֆիզիկական անձանց կողմից կատարված ֆինանսական փոխանցումներին:
«Փոխանցումներն ավելի շատ մասնավոր բնույթ են կրում, դա կարող է պայմանավորված լինել փոքր ձեռնարկատիրական գործունեությամբ»,-ասաց նա:
Ինչ վերաբերում է Հայաստան եկող տրանսֆերտների ծավալների միտումներին, ապա տնտեսագետի մոտավոր հաշվարկներով, տարեվերջին տրասֆերտների ծավալը կկրճատվի երկու անգամ:
«Ռուսաստանում տնտեսական խնդիրները հասել են այն մակարդակի, որ երկարաժամկետ հատվածում բացասական անդրադարձ դեռ ունենալու են: Կարծում եմ, նախորդ տարվա համեմատ այս տարի տրանսֆերտների անկման միտումը կպահպանվի: Նվազումը տեղի է ունենում նախորդ տարվա համեմատ, ոչ թե այս տարվա, կարելի է ասել նվազման տեմպերը կայունացել են»,-ասաց Մ. Առաքելյանն ու թվարկեց այն հետևանքները, որոնց կարող է հանգեցնել տրանսֆերտների կրճատումը՝ բնակչության եկամուտների նվազում, ինչն իր հերթին կբերի սպառման ծավալների նվազում, տնտեսական ակտիվության ցուցանիշի անկում և այլն:
Նախորդող հրապարակումներ՝
Տնտեսագետ. Տրանսֆերտների նվազման նման ցուցանիշ չի արձանագրվել նույնիսկ 2008-ի ճգնաժամի ժամանակ
Ռուսաստանից ստացվող զուտ տրանսֆերտները ավելացել են 10%-ով, իսկ ԱՄՆ-ից ստացվողները կրճատվել են 5 անգամ
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
