ՄԻՊ գրասենյակի աշխատակիցներն այցելել են ձերբակալվածներին. «Բռնության հետքեր չեն եղել»
Մարդու իրավունքերի պաշտպանի ազատազրկվածների հարցերով խորհրդականն ու արագ արձագանքման բաժնի աշխատակիցներն այցելել են բոլոր ձերբակալվածներին, այդ թվում և Շանթ Հարությունյանին: Այս մասին Panorama.am-ին հայտնեց ՄԻՊ մամուլի խոսնակ Նաիրա Կարմիրշալյանը:
«Խոսել են, զրուցել են նրանց հետ: Երեկ մեր աշխատակիցների այցելության պահին նրանց վրա բռնության հետքեր չեն եղել: Շանթ Հարությունյանի ու բոլոր 20 ձերբակալվածների հետ խոսել են, հանդիպման մանրամասները, խոսակցությունը, կներեք այս պահին չենք կարող հրապարակել, որովհետև պարտավոր ենք գաղտնիությունը ապահովել»,-ասաց ՄԻՊ մամուլի խոսնակը:
Հիշեցնենք, որ նոյեմբերի 5-ին, Մաշտոցի պողոտայում Շանթ Հարությունյանը ծրագրում էր դիմակներով երթ կազմակերպել դեպի նախագահական: Չենթարկվելով ոստիկանության հորդորներին` ազատել Մաշտոցի պողոտայի երթևեկելի հատվածը, ակցիայի մասնակիցները գրպաններից հանել են քարերով լցոնված ինքնաշեն պայթուցիկներ և գետնին հարվածելով` սկսել են պայթեցնել: Տեղի ունեցած միջադեպի հետևանքով մեծ թվով անձինք ոստիկանության ծառայողների կողմից բերման են ենթարկվել ոստիկանություն:
Ընդհանուր առմամբ, ինչպես տեղեկացրել է ոստիկանությունը, 38 անձ բերման է ենթարկվել ոստիկանություն: Փաստի առթիվ ՀՀ քրեական օրենսգրքի 316 հոդվածի 2-րդ մասով` «ծառայողական պարտականությունները կատարելու ժամանակ իշխանության ներկայացուցչի կամ նրա մերձավոր ազգականի նկատմամբ կյանքի կամ առողջության համար ոչ վտանգավոր բռնություն գործադրելը» և 185 հոդվածի 2-րդ մասի 1-ին կետով «ուրիշի գույքը դիտավորությամբ ոչնչացնելը կամ վնասելը, որի արդյունքում պատճառվել է խոշոր չափի վնաս» հարուցվել է քրեական գործ:
Բերման ենթարկվածներից 20-ը ձերբակալվել են՝ Հարությունյան Շանթ, Տերտերյան Աշոտ, Ավետիսյան Ավետիս, Պետրոսյան Տիգրան, Պողոսյան Ալեք, Պետրոսյան Լիպարիտ, Հովհաննիսյան Արմեն, Հարությունյան Հայկ, Վարդանյան Վարդան, Առաքելյան Միսակ, Մկրտչյան Դավիթ, Մարգարյան Ալբերտ, Գրիգորյան Անուշավան, Մխիթարյան Մխիթար, Ղազարյան Հովհաննես, Մնացականյան Սևակ, Մկրտչյան Վահե, Հովհաննիսյան Մկրտիչ, Հովիկյան Մանուկ, Մխիթարյան Արման: Գործով ներգրավվել է 18 վկա:
Նախորդող հրապարակումներ`
Փաշինյան. «Շանթ Հարությունյանն ինձ տեղեկացրեց, որ իր նկատմամբ բռնություն են գործադրել անձամբ ոտիկանապետն ու նրա տեղակալը»
Բանավոր հրահանգել են տեսակցություններ չտրամադրել. Ոստիկանության ՁՊՎ-ում դիտորդական խմբի հայտարարությունը
Շանթ Հարությունյանի հետ ձերբակալված անձանցից 7-ը ունեն տարբեր աստիճանի վնասվածքներ
Ոստիկանության գործողությունները համաչափ են
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
