Աշխատողներից կուտակայինի համար գումարները գանձելը անօրինական է, հակասահմանադրական. Իրավաբան
Գործատուների կողմից աշխատողների աշխատավարձից «Կենսաթոշակային կուտակային համակարգի» մասին օրենքի շրջանակներում 5% պահումները հակասահմանադրական են: Այդ մասին Panorama.am-ին ասաց իրավաբան, միջազգային իրավունքի մասնագետ Արա Ղազարյանը` մեկնաբանելով բազմաթիվ աշխատողների կողմից տարածված բողոքները, թե գործատուներն իրենց աշխատավարձից պահումներ են անում:
Նկատենք, որ Ինֆորմացիայի Ազատության Կենտրոնը ևս ահազանգել է, որ Երևանի քաղաքապետարանին պատկանող դպրոցների մի խումբ ուսուցիչներ այսօր տեղեկացել են հաշվապահներից, որ իրենց կամքից անկախ հունվարի աշխատավարձերից պահվել են պարտադիր կենսաթոշակային գումարները: Ի դեպ, այս առնչությամբ փորձեցինք պարզաբանում ստանալ Երևանի քաղաքապետարանի հասարակայնության հետ կապերի վարչությունից, սակայն մեր հեռախոսազանգերն այդպես էլ մնացին անպատասխան:
Արա Ղազարյանը ևս ասաց, որ իրենց գրասենյակը բազում բողոքներ է ստացել մարդկանցից այդ խնդրի վերաբերյալ:
«Սահմանադրական դատարանի որոշումը օրենքից բարձր է: Եթե ՍԴ-ն ասել է կասեցնել, նշանակում է, պետք է կասեցնել», -մեզ հետ զրույցում ասաց իրավաբանը:
Սակայն մյուս կողմից էլ, ըստ Ղազարյանի, կա համակարգային խնդիր և, եթե հարկային վճարումների ձևաթղթերում մեկ վանդակն էլ չի լրացվում, հնարավոր չէ Հարկային մարմիններին ներկայացնել փաստաթղթերը:
«Թե միտումնավոր է արվում, թե ոչ միտումնավոր չեմ կարող ասել, բայց արդյունքը ստացվում է թակարդում: Այդ գումարները գանձելը անօրինական է ու հակասահմանադրական», -հավելեց իրավաբանը:
Նրա խոսքով, Սահմանադրական դատարանի որոշումը չի վիճարկվում, այն ուղղակի պետք է կատարել:
«Եթե ՍԴ-ն ասել է, որ քաղաքացին կարող է չգրանցվել, չվճարելու համար պատասխանատվության չենթարկվել, ուրեմն պետք է կատարել ՍԴ որոշումը»,- նկատեց մեր զրուցակիցը:
Այնուամենայնիվ, եթե ՍԴ-ն հակասահմանադրական ճանաչեց վիճահարույց օրենքի վիճահարույց դրույթները պարտադիր բաղադրիչի մասով, ապա ըստ մասնագետի, գործատուները պարտադրված են վերադարձնել քաղաքացիներին գանձված գումարները:
Նախորդող հրապարակում`
Սահմանադրական դատարանի որոշումը վիճահարույց օրենքի դրույթները կասեցնելու վերաբերյալ
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ