Ազատամարտիկ Վոլոդյա Ավետիսյանի գործն ուղարկվել է Վճռաբեկ
Ազատամարտիկ, պահեստազորի գնդապետ Վոլոդյա Ավետիսյանի գործն արդեն Վճռաբեկ դատարանում է: Այս մասին տեղեկանում ենք Դատական տեղեկատվական համակարգից:
Հիշեցնենք, որ ավելի վաղ Վ. Ավետիսյանի փաստաբան Արա Զաքարյանը Panorama.am-ին ասել էր, որ հոկտեմբերի 20-ին վճռաբեկ բողոք է ներկայացրել:
Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի հուլիսի 17-ին կայացրած դատավճռով Վ. Ավետիսյանը դատապարտվել է 6 տարվա ազատազրկման: Վճռի համաձայն նաև պետբյուջեի պետք է բռնագանձվի նա 2000 դոլարին համարժեք դրամ։ Վերաքննիչ քրեական դատարանը Վոլոդյա Ավետիսյանի գործով անփոփոխ է թողել առաջին ատյանի դատարանի կայացրած դատավճիռը:
Հիշեցնենք` պահեստազորի գնդապետ Վոլոդյա Ավետիսյանը մեղադրվում էր ՀՀ քրեական օրենսգրքի 178-րդ հոդվածի 2-րդ մասի 2-րդ կետով կատարած հանցանքի համար` խոշոր չափերի խարդախություն: Մեղադրական եզրակացության համաձայն, Վոլոդյա Ավետիսյանին մեղադրանք է առաջադրվել այն բանի համար, որ նա, հանդիսանալով պահեստազորի գնդապետ, «խարդախությամբ հափշտակություն կատարելու ուղղակի դիտավորությամբ, կաշառք ստանալու պատրվակով, չարաշահելով իր՝ որպես նախկին զինվորական ծառայողի նկատմամբ Երևան քաղաքի բնակիչ Ալբերտ Մաթոսյանի մոտ ձևավորված վստահությունը և դիմելով խաբեության, թե զինվորական բարձրաստիճան պաշտոնատար անձանց միջոցով կարող է կարգավորել ԼՂՀ պաշտպանության բանակի N զորամասում ժամկետային զինվորական ծառայության նշանակված Ալբերտ Մաթոսյանի որդի Արթուր Մաթոսյանին նույն զորամասում համակարգչային օպերատոր նշանակելու հարցը, սակայն չունենալով նման պայմանավորվածություն, 2013-ի հուլիսի 29-ին ժամը 14:00-ի սահմաններում Երևան քաղաքի Թումանյան 54 հասցեում գտնվող Ալեքսանդր Սպենդիարյանի անվան օպերայի և բալետի ազգային թատրոնի հարակից Ազատության հրապարակի տարածքում Ալբերտ Մաթոսյանից պահանջել է դրա դիմաց իրեն տրամադրել զգալի չափերի՝ 205.150 ՀՀ դրամին համարժեք 500 ԱՄՆ դոլար գումար»: Սակայն, ըստ մեղադրանքի, Ալբերտ Մաթոսյանը հրաժարվել է օգտվել Վոլոդյա Ավետիսյանի ծառայությունից:
Նախորդող հրապարակումներ՝
Վոլոդյա Ավետիսյանի գործով վճռաբեկ բողոք է ներկայացվել
Վոլոդյա Ավետիսյանի գործով վերաքննիչ բողոքը մերժվեց
Ազատամարտիկ Վոլոդյա Ավետիսյանի գործով վերաքննիչ բողոքը քննվելու է սեպտեմբերի 16-ին
Վոլոդյա Ավետիսյանի փաստաբանը վերաքննիչ բողոք է ներկայացրել
«Ժառանգության» հայտարարությունը` Վոլոդյա Ավետիսյանի դատավճռի մասին
Գագիկ Սարուխանյանը Վոլոդյա Ավետիսյանի դատավճիռը իրավական բեսպրեդել է համարում (տեսանյութ)
Վոլոդյա Ավետիսյանը դատապարտվեց վեց տարվա ազատազրկման
Արդեն յոթ ամիս է, որ իմ քաղաքական հայացքների համար բանտարկված եմ. Վոլոդյա Ավետիսյանի հայտարարությունը
Իմ նկատմամբ քաղաքական հետապնդում է իրականցվում. Վոլոդյա Ավետիսյանը մանրամասներ է ներկայացրել
Վոլոդյա Ավետիսյանի գործով առաջին դատական նիստը կկայանա մարտի 26-ին
«Հերթական անգամ դատարանները թքեցին արդարադատության երեսին». Ավետիսյանի պաշտպանը նոր քայլերի կդիմի
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ