Ադրբեջանը Ամալ Քլունիին Հայաստանի «գաղտնի զենք» է համարում
Մարդու իրավունքների պաշտպան Ամալ Քլունիի՝ ապրիլի 26-ին BBC-ի եթերում արած դիտարկումները նյարդային ջղաձգումներ են առաջացրել Ադրբեջանում, գրում է EurasiaNet-ը։
Ամալ Քլունին, ով Մարդու իրավուքների եվրոպական դատարանում ներկայացնելու է Ադրբեջանում բանտարկված հետաքննող լրագրող Խադիջա Իսմայիլովային, վերջինիս ձերբակալման հացում առաջ էր քաշել քաղաքական դրդապատճառներ, որից հետո, ինչպես գրում է կայքը, Ադրբեջանի կառավարությունն արեց այն, ինչ սովորաբար անում է, երբ փորձում են մարդու իրավունքների հարցում ճնշում գործադրել իր վրա․«Առաջ քաշվեց գլոբալ հայկական դավադրության պնդումը»։
«Անկախ հանգամանքից, որ ՄԻԵԴ-ում Քլունիի գործը կապված է ադրբեջանցի լրագրողի պայքարին ընդդեմ Ադրբեջան պետության, Ադրբեջանի պետական քարոզչությունը կգտնի հայկական կապ, եթե անգամ այն չկա»,-գրում է EurasiaNet-ը՝ մեջբերելով Day.az-ին, որը գրել էր․«Պարզվում է, Հայաստանն ունի այնպիսի զենք, որի մասին մենք չենք կարող անգամ երազել։ Մահացու զենք, որ Հայաստանն օգտագործում է ընդդեմ Ադրբեջանի բավական հայտնի իրավաբան Ամալ Քլունին է»։
Կայքը գրում է, որ Բաքվի մտածողության մեջ Քլունին կասկածելի է, քանի որ նախկինում ՄԻԵԴ-ում ներկայացրել է Հայաստանի կառավարությանը։ Նշվում է նաև նրա ամուսինը՝ Ջորջ Քլուին, ով աջակցում է հայերի ցեղասպանության ճանաչմանը։ Երբ Քլունին հայտարարեց, որ ստանձնում է Իսմայիլովայի պաշտպանությունը, Ադրբեջանի լրատվամիջոցները սկսեցին պնդել, որ բրիտանացի փաստաբանը հայկական ծագում ունի։
«Քլունին հերքեց այս մեղադրանքները և նա իրականում լիբանանցի է, սակայն Լիբանանում առկա է հայկական մեծ սփյուռք, այնպես որ, Բաքվի համար այս ամենը հանդես է գալիս միասին։
Ադրբեջանի իշխանամետ լրատվամիջոցներին հատկապես բարկացրել է Ամալ Քլունիի փորձերը՝ Իսմայիլովայի համար աջակցություն ձեռք բերել Վաշինգտոնում։ Քլունին BBC-ին ասել էր, որ հավատում է, որ միջազգային ճնշումը կարող է օգնել ազատ արձակել լրագրողին»,-գրում է կայքը։
News.az կայքում հետազոտող Հուսեյնովն էլ գրել էր, թե հայերը վճարել են Քլունիին, որպեսզի նա գնա Վաշինգտոն և Սպիտակ տանն ու Կոնգրեսին տրամադրի ընդդեմ Ադրբեջանի։
«Իսկ թե որքան հեռուն կգնան Ադրբեջանի իշխանական լրատվամիջոցներն այս հարցում միջազգային հայկական դավադրության պնդումներով, դեռ պարզ կլինի»,- գրում է կայքը։
Հարակից հրապարակումներ`
Լրահոս
Տեսանյութեր
Կառավարության համար ՀՀ ո՞ր քաղաքացիներն են համարվելու իրական Հայաստանի քաղաքացիներ. Ռուստամյան
