Ձեր վստահելի աղբյուրը

«Երբ մենք դճգոհ ենք բանակում մահվան ելքով պատահարներից, մենք մոռանում ենք, որ ոչ թե բանակն է ստիպում զինվորին դուրս գալ զինվորի դեմ, այլ` նրա ծնողների դաստիարակությունը», - այսօր ասուլիսի ժամանակ կարծիք հայտնեց քաղաքական գիտությունների թեկնածու, սոցիոլոգ Արթուր Աթանեսյանը:

Ըստ բանախոսի, բանակում առկա թերությունների մեծ մասը գալիս է հասարակությունից, ինչպես օրինակ, ոչ պատշաճ դաստիարակությունը:

«Պետք է սկսել ընտանիքում դաստիարակությունից: Տղա երեխան միշտ լսում է. «Դուրս արի փողոց, վերցորւ քարը, ում ուզում ես` ծեծի, մի վախեցի, պետք է բռունցքով լուծի խնդիրները»:

Երբ նա մեծանում է և զորակոչվելով բանակ, ստանում է ատրճանակ կամ ավտոմատ, նա շարունակում է անել այն, ինչ ավանդականորեն մեր հայկական ընտանիքն է ասել նրան, նա անում է այն, ինչ ընտանիքն է սովորեցրել», - ասաց նա և եզրափակելով` ընդգծեց.

«Բանակը, որպես պետության, իշխանության ներկայացուցիչ, այստեղ որևէ մեղք չունի, բայց մենք մեղադրում ենք իշխանությանը և բանակին»