![](https://panorama.am/news_images/265/794696_1/f55c5fd7fd2738_55c5fd7fd2b1f.thumb.jpg)
Ֆարմանյան, Նուշիկյան, Տոնոյան. առաջադրումների քանակը կտրուկ ավելացել է
Այսօր, մարտի 14-ին, պատգամավորության թեկնածուների առաջադրման 3-րդ օրը մեծամասնական ընտրակարգով առաջադրված պատգամավորության թեկնածուների թիվը կտրուկ ավելացել է: Այդ մասին տեղեկանում ենք ԿԸՀ պաշտոնական կայքէջից:
Հայաստանի Հանրապետական կուսակցությունը Երևանի թիվ 2 ընտրատեղամասում առաջադրել է Հայաստանի հեռուստառադիոընկերության լրատվական վերլուծական հաղորդումների տնօրեն Սամվել Ֆարմանյանը: Այս ընտրատարածքում նախօրեին ինքնաառաջադրվել էր անկուսակցական Ալբերտ Սարգսյանը:
Թիվ 3 ընտրատարածքում թեկնածուներ են առաջդրել և ԲՀԿ-ն, և ՀՀԿ-ն. առաջինն այստեղ առաջադրել է «Քեթրին» բարեգործական ՀԿ նախագահ Արթուր Ստեփանյանին, իսկ ԲՀԿ-ն ԱԺ ներկայիս պատգամավոր Աշոտ Տոնոյանին («Տոնուսի Աշոտ»)
Արաբկիր համայնքի մի մասն ընդգրկող թիվ 4 ընտրատարածքում առաջադրվել է Արտակ Սարգսյանը («Սասի Արտակ»), որը «Արտակ Սրագսյան» բարեգործական հիմնադրամի նախագահն է: Նրան առաջադրել է ՀՀԿ-ն: Այս ընտրատարածքում նկատենք, որ առաջադրվելու ցանկություն ունի նաև ՀՀՇ նախագահ Արամ Մանուկյանը, իսկ պաշտոնապես հայտարարել է, որ առաջադրվելու է նախկին ՀՀՇ-ական Սուրեն Սիրունյանը:
Թիվ 5 ընտրատարածքում դարձյալ Հանրապետական կուսակցությունն առաջադրել է Արթուր Գևորգյանի թեկնածությունը. վերջինը Դավիթաշեն համայնքի ղեկավարն է:
Երևանի թիվ 6 ընտրատարածքում ՀՀԿ-ից առաջադրվել է հայաստանի գլխավոր դատախազի եղբայրը՝ Աջափնյակ համայնքի ղեկավար Ռուբեն Հովսեփյանը:
Երևանի թիվ 9 ընտրատարածքում, ինչպես նախորդ ընտրություններում, Հանրապետական կուսակցությունից առաջադրվել է Ռուբեն Սադոյանը:
Երևանի թիվ 10 ընտրատարածքում նախօրեին առաջադրված Խաչատուր Սուքիասյանին այսօր միացավ Գարեգին Նուշիկյանը, որին առաջադրել է ՀՀԿ-ն:
Թիվ 13 ընտրատարածքում, որն ընդգրկում է Էրեբունի վարչական շրջանի մի մասը, ՀՀԿ-ն առաջադրել է Մհեր Սեդրակյանի (Թոխմախի Մհեր) թեկնածությունը:
Թիվ 14 ընտրատարածքում ԲՀԿ-ն առաջադրել է «Սևան» գյուղական մարզական հանրապետական խորհրդի նախագահ Բազմասեր Առաքելյանին:
Թիվ 16 ընտրատարածքում դեռևս առաջադրվել է ԲՀԿ-ի թեկնածուն՝ ԱԺ պատգամավոր Տիգրան Ստեփանյանը:
Թիվ 18 ընտրատարածքում առաջադրվել են դեռևս երկուսը՝ մեկը ՀՅԴ-ից՝ ԱԺ պատգամավոր Արայիկ Գրիգորյանը և անկուսակցական «Երասխի» գինու գործարանի տնօրեն Ռազմիկ Թևոնյանը:
Թիվ 20 ընտրատարածքում այսօր առաջադրման փաստաթղթերն է ներկայացրել ԱԺ պատգամավոր Հրանտ Գրիգորյանը. նրա թեկնածությունն առաջադրել է ՀՀԿ-ն:
Թիվ 19 և 35 ընտրատարածքներում արդեն տեղեկացրել էինք, որ առաջադրվել էին ԱԺ պատգամավորներ Սեդրակ Սարոյանը և Սամվել Բալասանյանը՝ ԲՀԿ-ից:
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)