Եգիպտոսի նախագահը 33 տարի անց առաջին անգամ կմեկնի Իրան

15:06 20/08/2012 » Քաղաքական

Եգիպտոսի նախագահը 33 տարի անց առաջին անգամ կմեկնի Իրան

Եգիպտոսի նախագահը 33 տարի անց առաջին անգամ կմեկնի Իրան: Այդ մասին հաղորդում է իրանական «ՄԵՀՐ» լրատվական գործակալությունը:

Տեղեկատվության համաձայն՝ Եգիպտոսի նախագահ Մոհամմադ Մուրսիին մոտ կանգնած «Ալ-շարղ ալ-ուասաթ» պարբերականը հայտնել է, որ Մուրսին Չինաստան կատարած այցից հետո կնեկնի Իրան՝ մասնակցելու Չմիավորման շարժման անդամ երկրների ղեկավարների 16-րդ համաժողովին:

«ՄԵՀՐ»-ի հաղորդմամբ, եթե Մուրսին մեկնի Թեհրան, ապա նա կլինի Եգիպտոսի առաջին նախագահը, ով Իրանի իսլամական հեղափոխությունից հետո (33 տարի անց) պաշտոնական այց կկատարի Իրան:

Նշենք, որ Իրանի և Եգիպտոսի միջև դիվանագիտական հարաբերությունները խզվել են 1979թ., երբ Եգիպտոսի և Իսրայելի միջև ստորագրվեց Քեմփ-Դևիդի խաղաղության համաձայնագիրը:

Եգիպտոսի նախկին նախագահ Հոսնի Մուբարաքի պաշտոնանկությունից հետո Թեհրանի և Կահիրեի միջև հարաբարերությունների նոր էջ բացվեց. Կողմերը պատրաստակամություն հայտնեցին դեսպանություններ հիմնել, տեղի ունեցան պաշտոնական փոխայցելություններ: 

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց