Ձեր վստահելի աղբյուրը

Իրանում Ադրբեջանի դեսպան Ջավանշիր Ախունդովը կանչվել է արտաքին գործերի նախարարություն:
Այդ մասին հաղորդում է իրանական «թաբնաք.իռ» կայքը:

Համաձայն հաղորդագրության՝ ԻԻՀ ԱԳ նախարարի տեղակալ Սեյյեդ Աբբաս Արաղչին հակաիրանական անջատողական գործունեություն ծավալող «Հարավային Ադրբեջանի ազգային ազատագրական ճակատ» կազմակերպության կողմից Իրանի ինքնիշխանության և տարածքային ամբողջականության դեմ հնչեցված հայտարարությունների առնչությամբ բողոքի նոտա է հղել Իրանում Ադրբեջանի դեսպան Ջավանշիր Ախունդովին:

Իրանի ԱԳ փոխնախարարն Ադրբեջանին մեղադրել է նմանատիպ քայլերը կանխելու առնչությամբ անհրաժեշտ գործողություններ չձեռնարկելու մեջ, այնուհետև ադրբեջանցի դեսպանից պահանջել է, որպեսզի իր երկրի կառավարությունը կատարվածի վերաբերյալ պարզաբանումներ տա իրանական կողմին:

Իրանական «արաննյուզ.իռ» կայքի հաղորդմամբ՝ մարտի 30-ին «Հարավային Ադրբեջանի ազգային ազատագրական ճակատ» կոչվող կազմակերպությունը Բաքվում նիստ է գումարել, որի ընթացքում Իրանի տարածքային ամբողջականությունը խարխլելուն ուղղված կոչեր և հայտարարություններ են հնչել:

Նախորդող հրապարակումներ՝
Իրանի ԱԳՆ-ն բողոքի նոտա է հղել Ադրբեջանի դեսպանին

Ադրբեջանում կասկածի տակ են դնում Իրանի տարածքային ամբողջականությունը. Բաքվում ԻԻՀ դեսպանության արձագանքը

Անկարան և Բաքուն վերածվել են հակաիրանական ուժերի հավաքատեղիի

Իրանական հեռուստաալիք. «Պանթյուրքիստ մարդասպան Ալիևը նույնիսկ ազարի չէ, նա ազարիական մշակույթի թշնամին է»

Իրանի դեսպանը Ադրբեջանի իշխող կուսակցության պատգամավորին կոչ է անում հարգել իր երկրի անկախությունը

Ադրբեջանի իշխող կուսակցության պատգամավորը նպատակ ունի դառնալ Իրանի Ատրպատականի խորհրդարանի նախագահ