ԿԸՀ-ն քիչ անց արտահերթ նիստ կգումարի. Կքննարկվի ընտրությունն անվավեր ճանաչելու դիմումը

Քաղաքական 17:50 11/05/2013

ԿԸՀ-ն քիչ անց արտահերթ նիստ կգումարի. Կքննարկվի ընտրությունն անվավեր ճանաչելու դիմումը

Այսօր «Բարև Երևան» կուսակցությունների դաշինքի լիազոր ներկայացուցիչ Լուսինե Պետրոսյանը հրավիրվել էր ԿԸՀ՝ ժամը 18:00-ին գումարվող նիստին, որտեղ ի թիվս այլ հարցերի նախատեսվում էր «Բարև Երևան» դաշինքի երեկ ներկայացրած 2013թ. մայիսի 5-ի Երևանի ավագանու ընտրություններն անվավեր ճանաչելու մասին դիմումի քննարկում: Այս մասին հայտնում են «Բարև Երևան» կուսակցությունների դաշինքի մամուլի ծառայությունից:

Լուսինե Պետրոսյանը գրավոր խնդրել է դիմումի քննարկումը կազմակերպել վաղը, 15:00-ից հետո, քանի որ շուրջ 1500 էջ նյութ է համակարգվում և ֆիզիկապես այդ աշխատանքը ավելի վաղ ավարտել հնարավոր չէ: Համակարգված խախտումները ըստ յուրաքանչյուր ընտրատարածքի բոլոր տեղամասերի վաղը մինչև օրվա երկրորդ կեսը կներկայացվի ԿԸՀ և կտարածվի լրատվամիջոցներին, որից հետո ԿԸՀ նիստին ներկայացվեն խախտումների վերաբերյալ փաստական աղբյուրները:

«Միևնույն ժամանակ տեղեկացնում ենք, որ «Բարև Երևան» կուսակցությունների դաշինքից Երևանի ավագանու թեկնածու Դանիել Իոաննիսյանի դիմումը 2013թ. մայիսի 5-ի ընտրությունը անվավեր ճանաչելու մասին կքննարկվի այսօր, 18:00-ին գումարվող նիստում: Իոաննիսյանը ԿԸՀ կներկայացնի ապացույցներ, ԶԼՄ-ների` ընտրախախտումների մասին վկայող թվով մի քանի հարյուր հրապարակում և շուրջ հարյուր տեսանյութ»,-ասված է մամուլի ծառայության տարածած հաղորդագրության մեջ:
1. Հիշեցնենք, որ ԿԸՀ մամուլի ծառայության հաղորդմամաբ, նիստի օրակարգում ընդգրկված հարցերից մեկն էլ ԿԸՀ վերահսկիչ-վերստուգիչ ծառայության կողմից կազմված տեղեկանքի քննարկումն է:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: