Ձեր վստահելի աղբյուրը

«Իրանի դեմ ռազմական հարձակման մասին որոշումն արդեն կայացվել է, մնում է ոչնչացնել Սիրիան»,-այդ մասին ռուսական «ntv.ru» կայքի հաղորդմամբ՝ Պետդումայում Սիրիայի վերաբերյալ տեղի ունեցած քննարկման ժամանակ հայտարարել է Ռուսաստանի Լիբերալ-դեմոկրատական կուսակցության (ՌԼԴԿ) ղեկավար Վլադիմիր Ժիրինովսկին:

Ռուսական աղբյուրի հաղորդմամբ՝ ՌԴ Պետդումայի պատգամավորները հանդես են եկել հայտարարությամբ՝ Արևմուտքին կոչ անելով ռազմական հարձակում չգործել Սիրիայի վրա, այլ հակամարտությունը լուծել խաղաղ ճանապարհով:

Քննարկման ժամանակ (ՌԼԴԿ) ղեկավար Վլադիմիր Ժիրինովսկին, անդրադառնալով Սիրիայի շուրջ տեղի ունեցող զարգացումներին և հավանական պատերազմից հետո Իրանին սպառնացող վտանգներին, մասնավորապես նշել է. «Գլխավոր խաղացողն այստեղ Իսրայելն է, Իսրայելը վախենում է Իրանից. Իրանի վերաբերյալ որոշումն արդեն կայացվել է, ուստի զորքերը Իրանի սահմանին մոտեցնելու համար, անհրաժեշտ է վերացնել Սիրիան. Նրանց քիմիական զենքը չի հետաքրքում, միայն իշխանությունը, որը թույլ չի տա դաշնակից երկրների զորքերը մոտեցնել Իրանի սահմանին: Հետևաբար, Իրանի ոչնչացմամբ՝ Իսրայելը կհանգստանա, իսկ մեզ բաժին կհասնեն Իրաքի, Սիրիայի, Եգիպտոսի գրոհայինները»:

Ժիրինովսկին իր խոսքում մտահոգություն է հայտնելով, որ պատերազմի դեպքում էթնիկական մեծ հոսք կլինի դեպի Հյուսիսային Կովկաս, հավելել է. «Սիրիայից արդեն 2 միլիոն մարդ է հեռացել, իսկ Իրանից կգնա 20 միլիոն մարդ: Իրանցի ազարիները պատերազմից փրկվելու համար կշարժվեն դեպի հյուսիս, իսկ հյուսիսում՝ Բաքուն, չի դիմանա»:

Նախորդող հրապարակումներ՝
ԱՄՆ-ի կողմից Սիրիայի նկատմամբ ռազմական գործողություններ սկսելու դեպքում Իրանը ի՞նչ դիրքորոշում կորդեգրի

Իրանի ՊՆ. Տարածաշրջանում ով առաջինը սկսեց պատերազմը, նա էլ կլինի առաջին պարտվողը

Իրանի ԶՈւ ԳՇ պետ. ԱՄՆ-ն Սիրիայում պատերազմում է ի շահ «Ալ-Կաիդայի»

«Իրանը թյուրքի, ֆարսի, բալուչի, արաբի, կամ լորի կառավարություն չունի»... Ռոհանիի նախազգուշացումը Անկարային և Բաքվին

ԻԻՀ ԱԳ նախարար. Իրանն ու ԱՄՆ-ն Սիրիայի հարցով միմյանց ուղերձներ են հղել