Ձեր վստահելի աղբյուրը

 Շվեյցարիայի Մոնտրյո քաղաքում մեկնարկեց Սիրիայի հարցին նվիրված «Ժնև-2» խաղաղության համաժողովը: 

2011 թվականին Սիրիայում շարունակվող պատերազմից իր վեր առաջին անգամ բանակցությունների սեղանի շուրջ նստեցին երկրի կառավարությունը և ընդդիմությունը: Հաժամաժողովին մասնակցում են 40 երկրների ԱԳ նախարար, ՄԱԿ, ԱՊԼ և Իսլամական համագործակցություն կազմակերպության գլխավոր քարտուղարները. այն հեռարձակվում էր առցանց:

Համաժողովին բացման խոսքով հանդես եկավ Շվեյցարիայի նախագահը, որին հետևեցին ՄԱԿ գլխավոր քարտուղարի, ՌԴ ԱԳ նախարարի, ԱՄՆ պետքարտուղարի և սիրիական կողմերի պատվիրակությունների ելույթները:

ՄԱԿ գլխավոր քարտուղարը ողջունեց սիրիական կողմերի մասնակցությունը` հույս հայտնելով, որ համաժողովը վերջ կդնի պատերազմին:

«Բոլոր սիրիացիները սպասում են մարդկային տառապանքների ավարտին: Ես հույս ունեմ, որ համաժողովը գործնական ոգով կընթանա, և մենք էմոցիաներ չենք տեսնի»,-ասաց է Բան Կի Մունը` ընդգծելով, որ «Ժնև-2»-ի շրջանակում ելույթ է ունենում ոչ միան միջազգային հանրության, այլև սիրիացի ժողովրդի անունից:

ՌԴ ԱԳ նախարարը իր ելությում կարևորել է համաժողովին ընդդիմադիր առանձին խմբավորումների և Իրանի մասնակցությունը:

«Դեռ գործընթացին չեն միացել հայրենասիրական ընդդիմադիր խմբերը, որոնք գործում են Սիրիայի ներսում և շահագրգռված են «Ժնև-2»-ին մասնակցելու կապակցությամբ: Ենթադրում եմ, որ այդ իրավիճակը կուղղեն` ապահովելով նրանց մասնակցությունը բանակցություններին»,-ասել է Լավրովը` ընդգծելով նաև Իրանի մասնակցության անհրաժեշտության մասին:

Լավրովը նաև կոչ է արել համաժողովի մասնակիցներին անել հնարավորինը, որպեսզի օգնեն Սիրիայի կառավարությանը և ընդդիմությանը միավորել ջանքերը ահաբեկչության դեմ պայքարի համար:

ԱՄՆ պետքարտուղար Ջոն Քերին իր ելույթում նշեց հակամարտության կողմերի` իրենց ջանքերը միավորելու և անցումային կառավարություն ստեղծելու կարևորության մասին` նշելով, որ Բաշար Ասադը չպետք է տեղ չունենա ապագա Սիրիայում:

«Սիրիական հակամարտության կողմերը պետք է իրենց ջանքերը միավորեն, որպեսզի բանաձև ընդունեն Սիրիայում խաղաղություն ապահովելու վերաբերյալ: Այստեղ բոլորը դերակատարներ են, որոնք կարող են ազդել բանաձևի ընդունման վրա: Տարբեր կողմերի ներկայացուցիչներ նույնպես այստեղ են: Այս մարդիկ կարող են ազդել արդյունքների վրա: Եվ մենք միավորելու ենք մեր ջանքերը, մենք կարող են ստեղծել բանաձև, որը տարածաշրջանում խաղաղություն կապահովի: Հույս ունեմ, որ մենք այն կհասցնենք»,-ասաց Քերին ու հավելեց. «Ճգնաժամից դուրս գալու միակ ճանապարհը անցումային կառավարության ստեղծումն է: Պետք է իրատես լինել: Անցումային կառավարության մեջ չի կարող ընդգրկվել նախագահ Բաշար Ասադը»:

Քերիի ելույթից հետո խոսքը տրվեց Սիրիայի պատվիրակության ղեկավար, Սիրիայի ԱԳ նախարար Վալիդ Մուալեմին, ով ներկայացրեց Սիրիայում տիրող իրավիճակը, խնդիրները, խոսեց ահաբեկչության դեմ տարվող պայքարի, պատերազմը ավարտին հասցնելու, փախստականների տուն վերադառնալու, ինչպես նաև տեղեկատվական պատերազմի մասին:

«Որոշ մարդիկ Սիրիան փորձում են վերադարձնել միջին դարեր: Խաղաղ բնակիչներ են սպանվում, փողոցները ռմբակոծվում: Հեղափոխության կարգախոսի տակ երեխաներ են սպանվում իրենց դպրոցներում»,-ասաց է Մուալեմը, ով այս ամենի մեջ մեղադրեց նաև Սաուդյան Արաբիային, Թուրքիային, Ֆրանսիային և «ահաբեկչությանն» աջակցող այլ երկրների, որոնք «կամ հետևից են հարվածում կամ լուռ են»:

«Այս ամենը տեղի չէր ունենա առանց Էրդողանի կառավարության: Էրդողանն իր երկրի տարածքում զինում և մարզում է գրոհայիններին: Որոշ հարևաններ կրակ վառեցին Սիրիայում և ամբողջ աշխարհից այստեղ բերեցին ահաբեկչությունը: Սիրիայում մարտնչում են 83 երկրի ներկայացուցիչներ, և ոչ ոք չի դատապարտում դա: Սիրիան ամեն ինչ անելու է իրեն պաշտպանելու համար»,-ասել է Սիրիայի պատվիրակության ներկայացուցիչը` միջազգային հանրությունը մեղադրելով անտարբերության մեջ:

«Մենք բոլորս քրիստոնյաներ ենք, երբ հարձակվում են քրիստոնյաների վրա, մուսուլման ենք, երբ հարձակվում են մզկիթների վրա: Ապստամբները խաղաղ բնակիչներին որպես կենդանի վահան են օգտագործում և ուտում են նրանց օրգանները: Մենք այստեղ ենք եկել վերջ դնելու ահաբեկչությանը: Երկխոսությունը միակ լուծումն է: Մենք շարունակելու ենք պայքարել ահաբեկչության դեմ, որը վնասում է Սիրիային: Մենք այստեղ ենք եկել որպես մեկ ժողովրդի և պետության ներկայացուցիչ, բայց ոչ մի երկիր, պարոն Քերի, չի կարող որոշել մեկ այլ երկրի օրենքները, կառավարությունը, նախագահ հեռացնել: Մենք ձեզ ենք ներկայացնում մեր ժողովրդի կամքը: Մենք վերակառուցելու ենք Սիրիան»,-ասել է Մուալեմը` ընդգծելով, որ համաժողովի արդյունքները դրվելու են համազգային հանրաքվեի:

Սիրիայի պատվիրակության ելույթից հետո խոսքը փոխանցվեց ընդդիմության պատվիրակությանը` Ահմադ Ջարբայի գլխավորությամբ, ով մտադիր է անհրաժեշտ ջանքեր ներդնել, որպեսզի հանդիպումը հաջողությամբ ավարտվի:

Նա իր ելույթում նույնպես խոսել է Սիրիայում կատարվող դեպքերի մասին` իր հերթին ամեն ինչի մեջ մեղադրելով գործող իշխանություններին:

«Զենք վերցնելը մեր ընտրությունը չէ, այն մեզ պաշտպանելու միջոցն է: Մենք պայքարում ենք իշխանություններին աջակցող լիբանանյան «Հեզբոլլահ» շարժման անդամների, ինչպես նաև Իրանից և Իրաքից ժամանող մարտիկների դեմ: Մենք ամբողջությամբ համաձայն ենք Ժնևի կոմյունիկեի դրույթների հետ և ցանկանում ենք իմանալ, արդյոք այս սենյակում դաշնակիցներ ունենք: Ասադը պատասխանատու է ռազմական հանցագործությունների համար և նրա` իշխանության մնալը հակասում է համաժողովին»,-ասաց Սիրիայի ազգային կոալիցիայի ղեկավարը: