Ձեր վստահելի աղբյուրը

 Արդեն մի քանի օր է Ադրբեջանում գործող ահաբեկչական կազմակերպությունները սոցցանցերում հանդես են գալիս ահաբեկչական գործողություններ իրականացնելու մասին հայտարարություններով:

Ինչպես հայտնում է ադրբեջանական «Jam.az» կայքը, երեք օր առաջ սկսված սպառնալիքների թիրախը սկզբում Ադրբեջանի իշխանություններն էին, իսկ հիմա  ահաբեկիչները թիրախ են հայտարարել նաև ոստիկաններին:

Կայքը հայտնում է, որ նման հայտարարությամբ հանդես է եկել «Մեշա գարդաշլար» (Անտառի եղբայրներ) կոչված ահաբեկչական խմբավորումը: Նրանց կողմից արված առաջին հայտարարության մեջ ասվում է, որ իրենք «պատրաստ են գործողությունների: Ոստիկանների տները պայթեցվելու են»:

Երկրորդ հայտարարության մեջ էլ «Անտառի եղբայրները» նշել են, որ իրենք արդեն Բաքվում են և առաջին հարձակման ժամանակ մինչև 100 ոստիկան կսպանվի:

Կայքը գրում է, որ որոշ փորձագետների կարծիքով` այս ամենի կազմակերպիչը Ադրբեջանի իշխանություններն են:

Նրանց համոզմամբ` Արևմուտքի հետ լարված հարաբերությունների մեջ գտնվող իշխանությունները նման ճանապարհով ուղերձներ է հղում` տպավորություն ստեղծելու համար, որ եթե իշխանությունից հեռացվեն, երկիրը կհայտնվի ահաբեկիչների վերահսկողության տակ:

«Չնայած դրան, շարունակաբար ահաբեկչության մասին զգուշացումների աճը բոլորովին էլ լավ հեռանկար չի խոսատնում: Նվազագույնն այն պատճառով, որ որպես արդյունք` դա կարող է բերել իրական սպառնալիքի»,- գրում է կայքը:

Նախորդիվ՝
Իսլամիստական երկու կազմակերպություններ հայտարարել են Ադրբեջանի իշխանություններին դեմ պատերազմ սկսելու մասին