Ձեր վստահելի աղբյուրը

 Այսօր կայացած ԵԿՄ համագումարի ավարտին տեղի ունեցած հարց ու պատասխանի ժամանակ ՀՀ նախագահ Սերժ Սարգսյանը, անդրադառնալով արտագաղթի խնդրին՝ նշել է. «Արտագաղթը մեր ամենացավոտ, ամենասուր պրոբլեմներից մեկն է: Մյուս կողմից էլ ես չեմ ընդունում այդ թեմայի շահարկումը քաղաքական նպատակներով, ես չեմ ընդունում այս պրոբլեմի լուծումը՝ ծնկները ծեծելով»:

Նախագահի խոսքով, արտագաղթի պրոցեսը ժամանակավոր բնույթ է կրում, իսկ մյուս կողմից էլ այն տարբեր ժամանակահատվածներում զարգացման տարբեր միտումներ է դրսևորում:

«Եթե 1992 թվականին մեր երկիրը լքել է երկու հարյուր հազար մարդ, ապա այդ պրոցեսը դանդաղել է, 2001 թվականին, ենթադրենք վաթսուն հազար մարդ է լքել, բայց, հետագա տարիներին այս պրոցեսը դանադաղել է և ոչ միայն դանդաղել է, այլ վեր է ածվել ներգաղթի»:

Նախագահն իր խոսքում նշել է, որ 2013 թվականի տվյալներով՝ ուղևորափոխադրումը համեմատած 2012 թվականի հետ կրճատվել է բացասական տարբերությամբ, և այդ բացասական տարբերությունը կազմել է երեսունմեկ հազար մարդ:

«Իհարկե, երեսունմեկ հազարն էլ ճիշտ արտագաղթողների թիվը չէ, կարող է որոշակի տարբերություն լինել, բայց հավաստի թիվ է: Իհարկե, մեծ թիվ է, որովհետև մենք ընդամենը երեք միլիոն ենք այս երկրում ապրող: Մյուս կողմից երեսունմեկ հազարը այն թիվը չէ, որի դեմ հնարավոր չէ պայքարել, նվազեցնել ու այնուհանդերձ գալ ներգաղթի: Մենք անպայման դրան հասնելու ենք»:

Ավարտելով՝ նախագահը վստահություն է հայտնել, որ խնդրի լուծումը կախված է միասին աշխատելու պատրասատակամությունից:

«Պրոբլեմը չի դադարում պրոբլեմ լինելուց, եթե դու դադարում ես խոսել դրա մասին, մյուս կողմից երբեք պրոբլեմը չի լուծվում, լաց ու կոծով, պրոբլեմը չի լուծվում շահարկումով, պրոբլեմը լուծվում է աշխատանքով: Մենք բոլորս միասին պետք է աշխատենք»,- նշեց նախագահը:

Նախորդիվ` 

ՀՀ նախագահ. Վեց տարիների ընթացքում միջին աշխատավարձի աճը ավելի բարձր է եղել գնաճից

Սերժ Սարգսյան. Մենք ունենք ամենացածր գնով գազ` ՀՀ-ի սահմանին

Նախագահ Ս. Սարգսյան. Լավագույն ուսուցիչների աշխատավարձը կտրուկ բարձրանալու է

ՀՀ նախագահ. Ինչո՞ւ դիպուկահարները դուրս չեն բերվում սահմանային գծից

ՀՀ նախագահ. Բարեփոխումները կոչված են մարդուն սեփական երկրին ամուր կապելուն

Սերժ Սարգսյան. «Ես ակնկալում եմ 2014թ.-ի համար ավելի մեծ տնտեսական աճ»
 
Սերժ Սարգսյան. Ադրբեջանը լայնածավալ պատերազմ սկսելու համար չունի ոչ կարողություն, ոչ էլ հնարավորություն

ՀՀ նախագահ. Մենք մեր ընտրած ուղուց չենք շեղվելու և շարունակելու ենք ընդլայնել հարգանքի, վստահության ու հավատի սահմանները

Սերժ Սարգսյան. Հայաստանցին պիտի ընկալի ու ընդունի հավաքական որոշումներն ու մասնակից լինի դրանց կայացմանը