Ձեր վստահելի աղբյուրը

Այս պահին Երևանում ընթանում է «Հայաստան-Մաքսային Միություն. Հնարավորություններ և մարտահրավերներ» ՀՀԿ երկրորդ համաժողովը, որին ընթերցվեց ՀՀ նախագահ Սերժ Սարգսյանի և ՌԴ վարչապետ Դմիտրի Մեդվեդևի ուղերձները:

Իսկ ՀՀ վարչապետ Տիգրան Սարգսյանը հայտարարեց, որ կուսակցական կյանքում ձևավորվել է կարևոր մի ավանդույթ` հանրությանը հուզող բոլոր կարևորագույն խնդիրները դարձնել բաց և հրապարակային քննարկման առարկա, ինչպես նաև նմանատպ միջոցառումների հիմնական բանաձևերն ու նյութերը ևս դարձնել քննարկման առարկա: Վարչապետի խոսքով` իշխանությունները ստանում են բազմաթիվ առաջարկություններ, որոնք հաշվի են առանում կուսակցության քաղաքականությունը մշակելիս:

«Այսօր քննարկվում է կարևորագույն մի խնդիր` Մաքսային Միության և միասնական տնետեսական տարածքին անդամակցելու մեր քաղաքական որոշումը: Համաշխարհային տնտեսական ճգանաժամից հետո տեղի ունեցան լրջագույն արմատական փոփոխություներ, բյուրեղացան լրջագույն հարաբերություններ և երևույթներ, որոնք մինչև ճգնաժամը ակնհայտ չէին: Եվ առաջին հերթին ի ցույց դրվեցին ԵՄ-ի ուժեղ և թույլ կողմերը: Եվրասիական տարածքում ևս զարգացումներ էին ընթանում, ձևավորվեց մաքսային միությունը, որը ցույց տվեց իր կենսունակությունն ու արդյունավետությունը: Այս զարգացումները պարտադրում են մեզ նույնպես հստակեցնել մեր վերաբերմունքը այս երկու կարևորագույն ուղղություններին»,- հայտարարեց Տիգրան Սարգսյանը:

Նա ասաց, Մաքսային միության տնտեսական տարածքն ապացուցում է, որ այն պլատֆորմը, որը ձևավորվում է շատ մոտ է Հայաստանի տնտեսական համակարգին և տնտեսության զարգացվածության աստիճանով մոտ է Եվրասիականին: Պլատֆորմն, ըստ նրա, ստեղծում է հարաբերական առավելություններ Հայաստանի տեսական ներուժն իրացնելու համար և Ղազախստանի, Բելառուսի ու Ռուսաստանի ցուցանիշները դրա վառ ապացույցն են:

«Չկան խոչընդոտներ Հայաստանի անդամակցությանը: Այսօր հստակեցվում են անդամակցության ճանապարհին բոլոր ուղղությունները: Մենք բանակցում ենք շուրջ 900 զգայուն ապրանքատեսակների շուրջ, հումքի, ծառայությունների: Այդ բանակցությունների նպատակն է նվազեցնել ռիսկերը անդամակցության հետ կապված»,- նշեց Տ.Սարգսյանը:

Վարչապետը ասաց նաև, որ վերջին հինգ տարիներին Հայաստանը կուտակել է լուրջ ինստիտուցիոնալ կարողություններ, որոնք էլ հանդիսանում են մեր հաջողությունների գաղտնիքը ինտեգրացման ճանապարհին:

«Ուրախ ենք, որ արժանացել ենք բարձր գնահատականի մեր գործընկերների կողմից, քանի որ դա նաև գնահատականն է կառավարության կողմից վերջին վեց տարիներին իրականցված ինստիտուցիոնալ բարեփոխումների»,- հավելեց ՀՀ վարչապետը:

Նախորդիվ`

Ս.Սարգսյան. ՄՄ-ին անդամակցության ճանապարհին պարտավորությունների ավելի քան 70 %-ն արդեն կատարված են

ՌԴ վարչապետ. Հաճույքով փաստում ենք, որ ճանապարհային քարտեզի կատարումն հաջողությամբ իրականացվում է