Էրդողանը հայտարարել է տեղական ինքնակառավարման մարմինների ընտրություններում ԱԶԿ-ի հաղթանակի մասին

Քաղաքական 11:37 31/03/2014

Էրդողանը հայտարարել է տեղական ինքնակառավարման մարմինների ընտրություններում ԱԶԿ-ի հաղթանակի մասին

Թուրքիայի վարչապետ Ռեջեփ Թայիփ Էրդողանը հայտարարել է երեկ՝ մարտի 30-ին, Թուրքիայի ողջ տարածքում անցկացված տեղական ինքնակառավարման ընտրություններում իր ղեկավարած Արդարություն և զարգացում կուսակցության (ԱԶԿ) հաղթանակի մասին: Նախնական տվյալներով ԱԶԿ-ի օգտին ընտրություններին քվեարկել է ընտրողների 45 տոկոսը:

Ընդդիմադիր Ժողովրդա-հանրապետական կուսակցությունը (ԺՀԿ) հավաքել է ձայների 28 տոկոսը: Ստամբուլում հաղթել է ԺՀԿ-ն, իսկ Անկարայում երկու կուսակցությունները հավաքել են հավասարաչափ ձայներ, հաղորդում է Deutsche Welle լրատվականը:

«Ժողովուրդն այսօր վերջ դրեց այն ծրագրերին, որոնք կառուցվում էին նրա մեջքի ետևում: Նրանք, ովքեր հարձակվում էին Թուրքիայի վրա, կհիասթափվեն», - Էրդողանին մեջբերում է AFP գործակալությունը:

Նրա խոսքերով՝ այդկերպ իր հակառակորդները, մասնավորապես՝ Ֆեթուլահ Գյուլենը, «վճարել են մեղադրանքների և քննադատության համար, որոնք հնչում են վերջին ամիսների ընթացքում»՝ կապված Ստամբուլում, Անկարայում և այլ քաղաքներում ցույցերի ցրման, ինչպես նաև կոռուպցիոն սկանդալների, ոստիկանների զանգվածային հեռացման և մեծ ժողովրդականություն վայելող համացանցային ռեսուրսների արգելափակման համար:

Տեղական ինքնակառավարման ընտրություններում իր կուսակցության հաղթանակը Էրդողանը գնահատել է որպես հաջողություն, որը նրան կօգնի նախագահի պաշտոնի համար ապագա պայքարում: Թուրքիայում նախագահական ընտրությունները նախատեսված են 2014թ-ի օգոստոսին:

Հիշեցնենք, որ Թուրքիայում ընտրություններն անցել են երկրի հարավում զանգվածային անկարգությունների, կուսակցությունների կողմնակիցների բախումների պայմաններում: Երեկ հաղորդված լուրերի համաձայն՝ այդ բախումների արդյունքում մահացել է 9 մարդ, 60-ը վիրավորվել են, և ձերբակալվել են մի քանի հարյուր մարդիկ:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: