Ձեր վստահելի աղբյուրը

 Արևելյան Ատրպատական նահանգից հունիս ամսին 6 ամիս ժամկետով 10.000 գլուխ անասուն կտեղափոխվեն Սյունիք:
Այդ մասին իրանական «ՖԱՐՍ» լրատվական գործակալությանը տված հարցազրույցում՝ նշել է ԻԻՀ Արևելյան Ատրպատական նահանգի՝ անասնապահության հարցերով վարչության պետ Մոհամմադ Հասան Ալհաշեմը:

Իրանցի պաշտոնյան նշել է, որ նախորդ տարի (Իրանում նոր տարին սկսում է մարտի 21-ին) Արևելյան Ատրպատական նահանգի նահանգապետի՝ ՀՀ Սյունիքի մարզ կատարած այցի ընթացքում համաձայնություն է ձեռք բերվել, համաձայն որի՝ 5 տարվա ընթացքում 50 000 գլուխ անասուն կտեղափոխվի Սյունիքի մարզ:

«Սկզբնական փուլում հունիս ամսին 6 ամիս ժամկետով 10.000 գլուխ ոչխար կտեղափովի Սյունիք, սակայն երբ նախիրները վերադառնան երկիր (Իրան), իրենց հետ որպես դրամագլուխ կվերադարձվեն նաև գառները»,-նշել է Մոհամմադ Հասան Ալհաշեմը:

Ալհաշեմը նաև հավելել է, որ յուրաքանչյուր նախիր 5 հովիվ կունենա, որոնց առաջնային կարիքները կհոգա գյուղատնտեսության ոլորտում մասնագիտացած հայաստանյան մի ընկերություն:

Նշենք, որ Իրանի թյուրքախոս բնակչության մաս կազմող ազարիները (ատրպատականցի), որոշակի պատմական հանգամանքներից ելնելով (սկսած 12-14-րդ դդ.) խոսում են թյուրքական բարբառներով, որոնք համարվում են իրանական ժողովուրդ:


Նախորդիվ՝
 ՀԽ. Հայաստանյան արոտավայրերի տրամադրման մասին որևէ պայմանավորվածություն առոչինչ է

«10 հազար զինված էթնիկ ադրբեջանցիներ կհաստատվեն Սյունիքում». արոտավայրերի վարձակալությանն է անդրադարձել «The Moscow Times»-ը

Ա. Բաղդասարյան. Սյունիքի արոտավայրերի վարձակալությունը կհանգեցնի բնապահապանական խնդիրների

Իրանի Արևելյան Ազարբայջանի նահանգապետ. Մենք շահագրգռված ենք Հայաստանում ներդրումներ կատարել

Սյունիքի արոտավայրեր. «Հողերի վարձակալության հանձնելու կարգը սահմանված է ՀՀ հողային օրենսգրքով»

Սյունիքի արոտավայրերը «կարժանանան» իրանականի ճակատագրին. Մտահոգված է իրանահայ անասնաբույժը

Սյունիքի մարզի և Արևելյան Ատրպատականի նահանգի միջև ստորագրված փաստաթղթերի մասին ԱՆ-ն որևէ տեղեկություն չի ունեցել

ՀԱՐՑԱԴՐՈՒՄ. Պետությունը վարկ է վերցնում հողի համար ու այն վարձով տալիս ուրիշի

Հայկական կողմը չգիտի՞ ինչ անի

Սյունիքի արոտավայրերը` Իրանին. Ինչքա՞ն տարածքի, ի՞նչ գնի ու ժամկետի մասին է խոսքը