Ձեր վստահելի աղբյուրը

 Հայերը գերազանց ներդրում են ունեցել Իրանի մշակույթի զարգացման գործում:
Այդ մասին իրանական «ԻՍՆԱ» լրատվական գործակալության հաղորդմամբ Իրանում անցկացվող հայերի մշակույթի շաբաթվա շրջանականերում կայացած միջոցառման ժամանակ հայտարարել է Իրանի արվեստագետների միության նախագահ Մաջիդ Սարսանգին:

Իրանի արվեստագետների միության նախագահը նշել է, որ հայերը կարողացել են իրենց մշակութային առանձնահատկությունները գեղեցիկ ձևով միահյուսել իրանական մշակութային առանձնահատկությունների հետ:
Իրանցի մեկ այլ մտավորական՝ Արիասբ Դադբեն էլ իր խոսքում, բարձր գնահատելով Իրանի մշակույթի զարգացման գործում հայերի ունեցած ավանդը, մասնավորապես նշել է. «Իրանի մշակույթի պատմությունը անհնար է ուսումնասիրել, առանց Հայաստանի մշակույթի պատմության ուսումնասիրության: Հնարավոր չէ մոռանալ նոր շրջանի լուսավորական, մշակութային զարգացումների շրջանում հայերի ունեցած դերը»:
Նշենք, որ այս օրերին Իրանում անցկացվում է հայերի մշակույթի շաբաթ:

Նախորդող տեղեկատվություն՝
«Հայերի դերն Իրանի արվեստում» խորագրով ցուցահանդես՝ Թեհրանում (լուսանկարներ)