Ձեր վստահելի աղբյուրը

Եղանակային անբարենպաստ պայմաններից, ցածր ջերմաստիճանից մեծապես տուժել է Արմավիրի մարզը: Մարզի գյուղատնտեսական ոլորտի պատասխանատուների խոսքով, անձրևից, ձնից ու ցրտից մարզում տուժել են հատկապես խաղողի, ծիրանի ու դեղձի այգիները:

Panorama.am-ի հետ զրույցում գյուղացիները նշում էին, որ ծիրանենին, դեղձենին, խաղողի այգիները 100 տոկոսով ցրտահարվել են:

Հիշեցնենք, որ գյուղատնտեսության նախարարությունը հորդորում է գյուղացիական տնտեսություններին անխուճապ և հետևողականորեն շարունակել աշխատանքները հատկապես ջերմոցային տնտեսություններում և պոլիէթիլենային ծածկերի տակ գտնվող բերքն ու սածիլները փրկելու ուղղությամբ: Գյուղատնտեսներն էլ խորհուրդ են տալիս, այգիներում անպայման ծխեցնել մնացած պտղատուները ցրտահարությունից պահպանելու համար, իսկ ձյան հալոցքից հետո առատ ոռոգել:

 Այսօր և առաջիկա երկու օրերին, հատկապես գիշերային ժամերին, ցածր ջերմաստիճանային ֆոնը ըստ «Հայհիդրոմետ»-ի կպահպանվի: Առաջիկա գիշերը սպասվում է – 40C, մարտի 31-ի լույս ապրիլի 1-ի գիշերն Արարատյան դաշտում` օդում -50C - -60C աստիճան ցուրտ: Ուստի հանրապետության ողջ տարածքում, հատկապես Արարատյան հարթավայրում և նախալեռնային գոտու ցածրադիր հատվածներում ծիրանենու և մյուս կորիզավոր պտղատեսակների բերքի կորուստների վտանգը դեռևս պահպանվում է:

Կից հրապարակումներ՝

Գյուղատնտեսության նախարարություն. Կորուստների իրական ծավալների մասին որևէ հստակ տեղեկատվություն դեռևս անհնար է տրամադրել

Գյուղատնտեսության փոխնախարար. Վիճակը վատ է