Նոր մանրամասներ փչացած հավի մսի գործից
Նոր Նորքի 3 մանկապարտեզներին քիմիական նյութերով մշակած թռչնամիս մատակարարելու դեպքի առթիվ հարուցվել է քրեական գործ՝ սպառողին խաբելու համար: Panorama.am-ին քննչական կոմիտեի մամուլի քարտուղար Սոնա Տռուզյանը մանրամասնեց, որ քննության առջև խնդիր է դրված պարզելու, թե որտեղից է ձեռք բերվել թռչնամիսը, ի՞նչ որակի է այն եղել, անհատ ձեռներեցը իրավունք ունեցե՞լ է մատկարարելու, թե՞ ոչ, ինչպե՞ս է ստացվել, որ մրցույթում այդ ձեռնարկատերն է հաղթող ճանաչվել, և ընդհանիրապես թռչնամիսն առաքվել է միայն այդ երեք մանկապարտեզների՞ն, թե՞ նաև այլ օբյեկտների ու խանութների:
Նրա խոսքով, քննության առաջև խնդիր է դրված պարզել նաև հարկային պարտավորություններից հնարավոր խուսափումը:
Հիշեցնենք, որ օգոստոսի 11-ին ոստիկանության ԿՀԴՊ ԳՎ կոռուպցիայի և տնտեսական գործունեության դեմ ուղղված հանցագործությունների հակազդման վարչության և Նոր Նորքի բաժնի աշխատակիցների իրականացրած օպերատիվ-հետախուզական միջոցառումների արդյունքում առգրավվել են «Ալավերդու թռչնաֆաբրիկա» ապրանքանիշով և արտադրության ամսաթվերի վերաբերյալ կասկածելի տվյալներով հավի մսի խմբաքանակներ: Պարզվել է, որ Էդվարդ Մխիթարյանը ոչ պիտանի հավի միս է մատակարարել Նոր Նորքի թիվ 101, 116 և 118 մանկապարտեզներին:
Նախորդող հրապարակումներ՝
Մանկապարտեզներին քիմիական մշակման ենթարկված թռչնամիս մատակարարելու դեպքով հարուցվել է քրեական գործ
Էդվարդ Մխիթարյան անունով անհատ ձեռնարկատեր ՍԱՊԾ-ում գրանցված չէ. Սուքիասյան
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
Երեխաները փչացած հավի միսը չեն կերել. Վստահեցնում են մանկապարտեզներից
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ