![](https://panorama.am/news_images/38/113361_1/f55c4d522b2b9d_55c4d522b2f4f.thumb.jpg)
Գլոբալ տաքացումը կազդի նաև Սևանա լճի մակարդակի վրա. Մհեր Մկրտումյան
Անցած տարվա եղանակային պայմանները ուղեկցվեցին սակավաջրությամբ, ինչի արդյունքում Սևանա լճից լրացուցիչ ջրառ կատարելու անհրաժեշտություն առաջացավ` օրենքով սահմանված չափաքանակից ավելի: Այս մասին լրագրողների հետ հանդիպման ժամանակ ասաց Ջրային տնտեսության պետական կոմիտեի աշխատակազմի ղեկավար Մհեր Մկրտումյանը` անդրադառնալով Սևանա լճի ջրի ներկայիս մակարդակին, ինչպես նաև Հայաստանի ջրային ռեսուրսների արդյունավետ կառավարմանը:
Նրա խոսքերով` անցած տարի Սևանից ջուր բաց թողնելը հիմնականում պայմանավորված էր մի շարք գործոններով. «Դա պայմանավորված էր շուրջ 8180 հա ոռոգելի հողերի ջրապահովության խնդրով, ջրամբարների լցվածության և Հրազդան գետի ջրի մակարդակի իջեցմամբ, ինչպես նաև Արարատյան դաշտավայրի հողի խոնավության մակերեսի 20-25 աստիճանով նվազեցմամբ: Դրա համար էլ լրացուցիչ ջրառ կատարվեց»:
Ինչ վերաբերում է լճի մակարդակին, Մ.Մկրտումյանը նշեց, որ այսօր Սևանի մակարդակը 1900 մետր 13 սանտիմետր է:
Դիտարկմանը, թե արդյոք այս տարի էլ ջրի սակավության խնդիրներ կառաջանան, քանի որ տեղումները սակավ են, Կոմիտեի աշխատակազմի ղեկավարն ասաց, որ վերջին օրերի եղանակը հուսադրող է:
«Անցած տարվա դեկտեմբեր ամիսը ոռոգման ջրամատակարարման տեսանկյունից ուղեկցվել է եղանակային անբարենպաստ գործընթացներով, սակայն վերջին օրերին տեղացած ձյունը փոքր-ինչ հուսադրող է և հետագա կանխատեսումներն այս առումով վերանայման խնդիր կունենան: Եթե մարտ-ապրիլ ամիսներն ուղեկցվեն սելավային հոսքերով, բոլորվին այլ պատկեր կունենանք, քան մինչ օրս կանխատեվում էր»,- նշեց Մ.Մկրտումյանը:
Անդրադառնալով գլոբալ տաքացումներին, նա նշեց, որ արդեն իսկ պետք է մտածել այդ մասին, քանի գլոբալ տաքացումը մարդկության առաջ կանգնած լուրջ մարտահրավերներից մեկն է:
«Կանխատեսվում է, որ 2030թ-ին ջերմաստիճանը կբարձանա 1 աստիճանով, 2070թ-ին` 2 աստիճանով, 2100-ին` 4 աստիճանով: Այս բարձացումները կբերեն տեղումների քանակի համապատասխանաբար` 3, 6 և 9 տոկոսի նվազեցման, կբերեն գոլորշիացման մակարդակի ավելացման, ձյան ծածկույթը, գետերի հոսքը նույնպես կնվազեն: Բնականաբար, Հայաստանի կլիման ևս փոփոխություն է կրելու և այս գործընթացները կազդեն նաև Սևանա լճի մակարդակի վրա»,- ասաց նա:
Միաժամանակ Մ.Մկրտումյանը հավելեց, որ որպես կանխարգելման միջոց` նախատեսվում է ջրամբարաշինություն կազմակերպել: Առաջիկայում, ըստ նրա, նախատեսվում է կառուցել Կապս, Վեդի, Եղվարդ, Մաստարա ջրամբարները:
«Արդեն նախապատրաստական աշխատանքները սկսված են: Մինչև տարեվերջ կունենանք Վեդի և Կապսի նախագծահաշվարկային փաստաթղթերը և հաջորդ տարվանից սկսենք շինարարության գործընթացը»,- ասաց նա` հավելելով, որ առաջին անգամ հանրապետությունում վերականգնվել է Մարմարկի ջրամբարը, որը 25 մլն խմ լրացուցիչ ջուր կուտակելու հնարավորություն է տալիս և մեծ ազդեցություն ունի Սևանա լճի մակարդակի վրա:
Նրա խոսքերով` այս ջրամբարները հնարավորություն կտան լրացուցիչ ջուր կուտակել և Սևանա լճից ջուր բաց թողնել միայն հազվադեպ դեպքերում:
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)