Ձեր վստահելի աղբյուրը

Առաջիկա երկու օրերի ընթացքում պարզ կդառնա Արմավիրի մարզի Ալաշկերտ գյուղի հոսպիտալացված երեխաների հիվանդության պատճառը: Այս մասին Panorama.am-ի թղթակցի հետ զրույցում ասաց ԱՆ «Հիվանդությունների վերահսկման և կանխարգելման ազգային կենտրոն»-ի Վտանգավոր և օդակաթիլային վարակների բաժնի պետ Լիանա Թորոսյանը:

Նրա խոսքերով՝ հիվանդության պատճառը պարզելու համար լաբորատոր հետազոտությունների համար նմուշառումներ են իրականացվել թե երեխաներից, թե Ալաշկերտի մանկապարտեզից, թե աշխատակազմից: Ստուգվել են նաև սննդամթերքը, ջուրը և բոլոր կոնտակտավորները:

«Հետազոտությունների արդյունքները ձգձգվում են, քանի որ կա կոնկրետ մեթոդաբանություն, հետազոտություն, որը երկարատև ընթացք է պահանջում: Համաճարակաբանական, կլինիկական և լաբորատոր հետազոտությունների արդյունքները համադրելուց հետո արդեն իսկ որոշակի եզրահանգման կգանք: Կարծում եմ, որ վաղը կամ մյուս օրը երեխաների հիվանդության պատճառի վերաբերյալ տեղեկատություն կիմանանք»,- ասաց նա՝ հավելելով, որ հիվանդության պատճառի մասին մի քանի վարկած կա, որոնք բոլորն այս պահին քննարկվում են:

Հիշեցնենք, որ մայիսի 8-ից 10-ը ընկած ժամանակահատվածում Արմավիր բժշկական կենտրոնի ինֆեկցիոն բաժանմունք է հոսպիտալացվել 6 երեխա: Բոլորի մոտ եղել են նույն ախտանշանները` լուծ, փսխում, ջերմություն և ընդհանուր թուլություն: Քանի որ առաջնային վարկածը աղիքային ինֆեկցիա էր, կազմակերպվել են նաև բակային համայցեր՝ նույն խնդիր ունեցող երեխաներին ավելի օպերատիվ կերպով հայտնաբերելու համար: Արդյունքում ևս հինգ երեխա էր հայտնաբերվել, որոնք միանգամից հոսպիտալացվել էին: Անհրաժեշտ բուժումը կազմակերպել է պետպատվերի շրջանակում` անվճար:

Լ.Թորոսյանը հայտնեց, որ այս պահին բժշկական կենտրոնում ստացիոնար բուժում է ստանում երկու երեխա, սակայն նրանիցի մեկն այսօր դուրս կգրվի:

Նշենք նաև, որ այսօր նույնպես Առողջապահության նախարարությունը հաղորդագրություն էր տարածել, ըստ որի՝ Արմավիր քաղաքի թիվ 9 մանկապարտեզի 6 սան մայիսի 15-ից 18-ն ընկած ժամանակահատվածում աղիքային գանգատներով դիմել է Արմավիրի բժշկական կենտրոնի ինֆեկցիոն բաժանմունք:

Լ.Թորոսյանի խոսքերով՝ երեխաների վիճակը գնահատվում է բավարար: Վարակի աղբյուրը պարզելու նպատակով ևս կենսաբանական նյութի նմուշառումներ են կատարվել հիվանդներից և մանկապարտեզի սպասարկող անձնակազմից, ինչպես նաև խոհանոցից և խմբասենյակներից։ Ձեռնարկվել են կանխարգելիչ և հակահամաճարակային համալիր միջոցառումներ։

Նախորդող հրապարակումներ՝
Ինչո՞ւ են մանկապարտեզներում հաճախացել երեխաների թունավորումները
Գյուղապետ. Ալաշկերտից հոսպիտալացվածների թվում մանկապարտեզի ու դպրոցի սաներ են
Արմավիր բժշկական կենտրոնի ինֆեկցիոն բաժանմունք են հոսպիտալացվել երեխաներ
Ալաշկերտի մանկապարտեզը չի գործում
Մանկապարտեզներին քիմիական մշակման ենթարկված թռչնամիս մատակարարելու դեպքով հարուցվել է քրեական գործ
Էդվարդ Մխիթարյան անունով անհատ ձեռնարկատեր ՍԱՊԾ-ում գրանցված չէ. Սուքիասյան
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
Երեխաները փչացած հավի միսը չեն կերել. Վստահեցնում են մանկապարտեզներից
Նոր մանրամասներ փչացած հավի մսի գործից
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
«Թունավորված երեխաների մեծ մասի մոտ աղիքային վարակ է». մասնագետի մեկնաբանությունները
Եղվարդի թիվ 1 մանկապարտեզում կասեցվել է սննդամթերքի օգտագործումն ու մատակարարումը
ԱՆ. Հոսպիտալացված երեխաների առողջական վիճակը բարելավվում է
Եղվարդում հոսպիտալացվել է 54 երեխա. Հարուցվել է քրեական գործ
Եղվարդի մանկապարտեզում թունավորված 15 երեխայից 2-ը տեղափոխվել են Երևան
ՍԱՊԾ –ն՝ Եղվարդի թիվ 1 մանկապարտեզում սաների թունավորման դեպքի մասին
Պիպոյանը՝ Եղվարդի դեպքի մասին. «Դանակը հասավ ոսկորին»