Ձեր վստահելի աղբյուրը

«Հայաստանի Հանրապետության օրենսդրության բացարձակ կիրառելիություն չի կարող լինել, քանի որ մենք ունենք միջազգային պայմանագրեր, իսկ միջազգային պայմանագրերը մեր օրենսդրության մասն են: Մենք բացարձակ չեն խոսում որևէ մեկին որևէ իրավազորություն հանձնելու մասին, զիջելու մասին: Եվ անկախ նրանից, թե Ռուսաստանի իրավապահ մարմինները ինչ քրեադատավարական ընթացք են իրականացնում իրենց հարուցած քրեական գործով, դա որևէ առնչություն չունի մեր քրեադատավարական օրենսդրության կարգով հարուցված քրեական գործի և իրականացվող ու իրականացվելիք քրեական հետապնդման պրոցեսի հետ: Եվ այն հանգամանքը, որ երեկ Քննչական կոմիտեի քննիչի կողմից որպես մեղադրյալ ներգրավվելու որոշում է կայացվել, դա արդեն իսկ նշանակում է, որ անկախ նրանից, թե Ռուսաստանի իրավապահ համակարգը ինչ միջոցներ է ձեռնարկում, Հայաստանը շարունակելու է գործընթացը»,-Գյումրիում ընթացող ասուլիսի ժամանակ հայտարարեց ՀՀ գլխավոր դատախազ Գևորգ Կոստանյանը:

«Դա բոլորիս ցավն է, բոլորս ունենք շատ զգացմունքային մոտեցումներ: Մենք, ողջ իշխանությունը, իրավապահ համակարգը բացարձակ հետևողական է այս հարցին և դուք հնարավորություն կունենաք գնահատելու այդ հետևողականությունը: Մենք ամեն ինչ անում ենք և անելու ենք մեր օրենսդրության և միջազգային իրավունքի տեսակետից, որ անձը քրեական պատասխանատվության և պատժի ենթարկվի Հայաստանի Հանրապետության տարածքում»,-հավելեց Գևորգ Կոստանյանը:

Նախորդող նորություններ`
«Պերմյակովի գործած հանցանքների շղթան սկսվել է ՌԴ և ավարտվել է ՀՀ օրենսդրության իրավազորության ներքո գտնվող հանցագործությամբ»
Ձեռնարկում ենք բոլոր միջոցները, որպեսզի հանցագործը պատժվի օրենքի ողջ խստությամբ. Գլխավոր դատախազ