Ձեր վստահելի աղբյուրը

Սիրիական բանակն ու պաշտպանական ջոկատները ազատագրել են Քեսաբը։ Այս մասին հաղորդում է Գանձասար շաբաթաթերթի ֆեյսբուքյան էջը՝ հղում անելով պաշտոնական աղբյուրներին:

Աղբյուրի փոխանցմամբ, Քեսաբը վերագտել է իր խաղաղությունը, երբ շրջանի մեջ սիրիական բանակի առաջխաղացումն անցնող օրերին ավելի լայն ծավալ է ստացել ու հունիս 14-ի երեկոյան սիրիական բանակի առաջապահ ստորաբաժանումները մուտք են գործել Քեսաբի քաղաքակենտրոն, հասել մինչև հրապարակ, ուր էլ բարձրացրել են սիրիական դրոշը։

Քեսաբն ամբողջությամբ է ազատագրվել, իսկ Թուրքիայի հետ սահմանակետը այժմ գտնվում է սիրիական բանակի հսկողության տակ։

Հաղորդվում է նաև, որ սիրիական բանակը, նահանջի մղելով ահաբեկչական զինյալ խմբավորումներին, ոչնչացրել է նրանց ռազմամթերքի մեծ մասը։

Սիրիական պետական հեռուստաալիքն էլ հաղորդել է, որ բանակի ականազերծման մասնագետների խումբն արդեն սկսել է Քեսաբի և շրջակա բնակավայրերի մեջ ահաբեկիչների տեղադրած ականների և այլ լարված պայթուցիկ սարքերի չեզոքացման աշխատանքը։

Նահանջող ահաբեկչական զինյալ խմբավորումների դիմաց թուրքական սահմանապահ ուժերը փակել են սահմանը, սակայն լիբանանյան «Ալ Մայատին» կայանի տեղեկությունների համաձայն, թուրքական կողմը միայն օտարերկրացի զինյալ ահաբեկիչներին է թույլատրել փախչել դեպի Իսկենտերոն, որտեղից նրանք պիտի ուղղվեն իրենց երկրներ։

Ծովափի շտապ օգնության մարմնի բանբեր Կարո Մանճիկյանը հայտնել է, որ Քեսաբ մեկնած տեղացիները հաստատել են, որ ավանի բնակարանները, հաստատություններն ու հողագործական սարքերը թալանված են։ Լուրջ վնասներ են կրել եկեղեցիներն ու մշակութային կենտրոնները։

Նախորդող հրապարակում՝

«Հրթիռը Քեսաբի վրա անձրևի նման էր իջնում». Տարհանված գյուղապետի հետհայացքը

Քեսաբի հայկական եկեղեցուց կողոպտված աղոթագրքերը Լաթաքիայում վաճառքի են հանվել

Քեսաբահայ ազգագրագետ. Քեսաբից հետո Հալեպի հայ գաղութի վրա հարվածներն ավելի սաստկացան

Սիրիական բանակն առաջացել է Քեսաբի ճակատային գծի վրա

Արամ Ա-ն Քեսաբի հարցով ՄԱԿ-ից նամակ է ստացել

Գարեգին Երկրորդ. Քեսաբի ավերումը և հայ բնակչության տարհանումը թուրքական նույն ոճրագործ քաղաքականության շարունակությունն է

Քեսաբահայ երիտասարդը սպանվել է. «Շփոթել են սիրիական բանակի զինվորի հետ»

Քեսաբահայ երիտասարդի մահվան մասին լուրերը դեռ չեն հաստատվել

Ֆիրդուս Զաքարյան. Եթե ցանկանան, կարող ենք ընդունել քեսաբահայերին, անպատրաստ չենք

Առանց տան, դպրոցի և անորոշության մեջ. Լաթաքիայում ապաստանած քեսաբահայերը

Պատմում են Թուրքիա գաղթած սիրիահայերը. Քեսաբում լսվում են մարդասպանների քրքիջները, «Ալլահ աքբար»-ները

ԵԽԽՎ-ում ընդունվեց Քեսաբի դեպքերը դատապարտող հայտարարությունը

Քեսաբում մնացած 38 քեսաբցիներից 20-ն ազատ է արձակվել

«Երկակի ստանդարտների և անպատժելիության հետևանք». Քեսաբի իրադարձությունները

Քեսաբից տարհանված ընտանիքը Հայաստանում է, բայց երազում է իր տուն վերադառնալու մասին

«Քեսաբում ռազմական գործողություններին զուգահեռ քարոզչական պատերազմն ավելի ընդգրկուն է»