Ձեր վստահելի աղբյուրը

Մեծ պահքի 22-րդ օրն է: 

««Ո´վ դու Ամենակալ մեծանուն Տեր, քո աչքերը բաց են մարդկանց որդիների բոլոր ճանապարհների վրա` յուրաքանչյուրին հատուցելու համար ըստ իր ճանապարհի և ըստ իր գործերի արդյունքի» (Եր. 32.19): Երեմիայի այս խոսքը պետք է առաջնորդի մեր մտորումները մեր կյանքի ընթացքի վերաբերյալ, որպեսզի մեր գործերի համեմատ հատուցումը դատապարտություն չլինի: Քանզի, երբ մեր բարի կամքով ու ձգտումով մեր քայլերն ընթանում են խաղաղության և արդարության ապահով ճանապարհներով, ուր չկա կեղծիք, խարդավանք և չարություն, այն ժամանակ կզգանք Աստծու խոսքի ողջ բովանդակությունը. «Նրանք ինձ համար ժողովուրդ կլինեն, իսկ ես նրանց համար կլինեմ Աստված» (Եր. 32.38):

Աստծու հայացքը միշտ մեզ և մեր գոյընթացի վրա է և Նա հատուցելու է ըստ մեր գործերի: Այդ իսկ պատճառով Քրիստոսի հայացքի ներքո ապրել, հավատով ապրել չի նշանակում պարզապես Աստծու անունը տալով ապրել, այլ` մշտապես ու անդադար գտնվել Տիրոջ ծառայության մեջ և Նրա կամքի դրսևորման բարեբեր միջոց լինել բոլորի կյանքում:

Աստված ունենալ, աստծվածակիր լինել, Աստծով ապրել և Նրա զավակն ու ժողովուրդը լինել նույնն է, ինչ անխորտակելի մի վահան ունենալ, որ անկախ փորձության ձևից և չարի հարվածների ուժգնությունից, պիտի մեզ պաշտպանի: Իսկ ի՞նչ է մեզանից յուրաքանչյուրն այս կյանքում բաղձում, եթե ոչ` պաշտպանություն և ապահովություն:

Այս ամենի լույսի ներքո քննենք մեր արարքներն ու խորհուրդները և ապավինենք Նրան, Ով ասում է. «Եվ ես կտամ նրանց մի այլ սիրտ ու ճանապարհ` ...ի բարօրություն իրենց, իսկ իրենցից հետո` ի բարօրություն իրենց որդիների»: Հետևապես, խոստման համաձայն, կրենք մեզանում աստվածապարգև այդ սիրտը և մեր կյանքի Վահանով պատսպարված ընթանանք Միածին Որդու նախանշած ճանապարհով»,- ֆեյսբուքյան էջում օրվա խորհրդի մասին գրել է Մայր Աթոռ Սուրբ Էջմիածնի տեղեկատվական համակարգի ղեկավար Տեր Վահրամ քահանա Մելիքյանը:

Հիշեցնենք, որ փետրվարի 16-ից սկսվել է Մեծ Պահքի շրջանը: Այն տևում է 48 օր` Բուն Բարեկենդանից մինչև Ս. Հարության (Զատկի) տոնի նախօրեն: Այս տարի Ս. Հարության տոնը կնշվի ապրիլի 5-ին:

Նախորդող հրապարակումներ՝
Մեծ պահքի խորհրդանշական շղթայի Տնտեսի կիրակին
Մեծ պահք. «Այսօր այդպիսի տեսանելի և աներույթ, մարմնավոր և անմարմին գողեր և ավազակներ վխտում են մեր հասարակության մեջ»
Մեծ պահք. «Ցավոք, մեր հասարակության մեջ այս ամենն առավել կամ նվազ չափով առկա է»
Մեծ պահք. «Իբրև քրիստոսադրոշմ ժողովուրդ, լինենք մեկ մարմին` պահելով հոգու միությունը խաղաղության կապով»
Մեծ պահք. «Հավիտենական կյանքը ժառանգելու և վայելելու պայմանը մեր պահվածքն է»
Մեծ պահք. Աստված վարձահատույց է լինում նրանց, ովքեր փնտրում են Իրեն անպայման, անշահախնդիր ու անբիծ հավատով
Մեծ պահք. «Սա գագաթնակետն է հոգևոր կյանքի ընկալման»
Մեծ պահքի խորհրդանշական շղթայի առաջիկա կիրակին
Մեծ պահք. Ընդհանրական Եկեղեցու երեք սրբի հիշատակության օրն է
Մեծ պահք. «Անհագ մարդկային բնությունը հոժար չէ հաջողության ու օրհնաբեր իրողությունների մեջ փառքը կիսել որևէ մեկի հետ»
Մեծ պահք. Ինչպե՞ս վարվենք
Մեծ պահք. «Մենք` իբրև «ազգ և ժողովուրդ» հասկացությունը մարմնավորող անհատներ, պիտի սթափվենք»
Մեծ պահք. «Այս օրերին եկեք ձերբազատվենք մեր կյանքը բեռնավորած կուռքերից»
Մեծ պահք. «Ապրենք Տիրոջ երկյուղով, ինչը, հիրավի, կիմաստացնի մեզ»
Մեծ պահք. «Անգամ խաղաղության մեր պայմաններում մատնվում, տանջվում և հալածվում է յուրաքանչյուր քրիստոնյա»
Մեծ պահք. Երկու կարևոր պատվիրան-դեղատոմս է տրվում այսօր մեզ
Մեծ պահք. Պողոս առաքյալի կարևոր պատգամներն են
Տեր Վահրամ. Մեծ պահքին ընդառաջ արտասովոր աշխուժություն է տիրում
Սկսվում է Մեծ Պահքի շրջանը