Ձեր վստահելի աղբյուրը

Մեծ պահքի 30-րդ օրն է: 

«Ընթերցվածք` Ես. 8.5-10
«Գիտցե´ք, հեթանոսնե´ր, Աստված մեզ հետ է, պիտի պարտվեք. լուրը հասցրեք աշխարհի չորս կողմե´րը. դուք, որ հզորացել եք, պիտի պարտվեք: Թեև դուք դարձյալ ուժեղանալու եք, բայց էլի պարտության եք մատնվելու: Ինչ խորհուրդ էլ անեք` Տերը խափանելու է այն, և ինչ էլ ասելու լինեք` չի հաստատվելու, քանզի Տեր Աստված մեզ հետ է» (8.9-10):

Երանի Եսայու մարգարեությանն ունկնդիր բոլոր այն քրիստոնյաներին, ովքեր ճշմարտապես ապրում են «Տեր Աստված մեզ հետ է» հավատով և գիտակցությամբ: Մեր ժողովուրդը ևս մշտապես արարել ու մաքառել է «զի Աստուած ընդ մեզ է» վստահությամբ ու զորությամբ: Հիշենք դարերի խորքից եկող Խաղաղական ժամերգության «Նայեաց սիրով» շարականը:
Ընթերցվածքի այս հատվածը, եթե զորություն է հավատավոր հոգու համար, ապա ահ ու սարսափ է այն անձանց համար, ովքեր համարձակվում են հեթանոսական բարքեր ու երևույթներ սերմանել և խրախուսել: Ցավոք, այսօր մեզանում ճշմարիտ աստվածճանաչողության 17-դարյա շրջանից հետո իսկ կան այդպիսիք: Նրանց հաղթելը դյուրին չէ, ինչպես և մեր հոգիներից պատրանքային իր քաղցրությամբ մեղքը արմատախիլ անելը: Սակայն որքան էլ նրանք ուժեղ և զորավոր, երբեմն ազդեցիկ և կարող, Եսայի մարգարեն ցույց է տալիս մեզ, թե ինչպե´ս պետք է պայքարենք: Նա հուշում է, որ Տերն է խափանելու այդ ամենը և ոչ թե մենք, որ տկար ենք մարդկային մեր բնությամբ, բայց և զորավոր այն հավատով, որ Տեր Աստված մեզ հետ է:
Ուստի մեր կյանքում պետք է առաջնորդվենք աստվածապավինությամբ, որովհետև ամեն երևույթ հաղթահարելի է, եթե Աստված մեզ հետ է, երբ Նա բնակվում է մեր հոգիներում, երբ վկայվում է մեր գործերով ու կյանքով: Այնժամ որևէ մեղք, որքան էլ որ քաղցրահամ, որևէ չարիք և թշնամի, որքան էլ որ զորավոր և ազդեցիկ, չի կարող դիմադրել Լույսին, չի կարող ստվերել մեր կյանքի Արեգակը, չի կարող հաղթել Հարուցյալ մեր Տիրոջը, Ով մահվամբ մահը հաղթեց և մեզ կյանք պարգևեց:

Ի վերջո, մեր ժողովուրդը կատարել է իր պատմական ընտրությունը, որի վավերականությունը փաստվել է հայ ինքնության դարավոր ընթացքով, որի ճշմարտացիությունը հաստատվել է մեր այսօրվա գոյությամբ, ազատ ու անկախ Հայրենիք ունենալու իրողությամբ` անկախ նրանից, թե աշխարհի որ ծայրում ենք ապրում, հակառակ մեր ժամանակների բազում դժվարությունների և փորձությունների:

Եվ այդ առումով, մենք` քրիստոնյաներս, հոգով ազատ ու զորավոր ենք, քանզի Տեր Աստված մեզ հետ է»,- ֆեյսբուքյան իր էջում օրվա խորհրդի մասին գրել է Մայր Աթոռ Սուրբ Էջմիածնի տեղեկատվական համակարգի ղեկավար Տեր Վահրամ քահանա Մելիքյանը:

Հիշեցնենք, որ փետրվարի 16-ից սկսվել է Մեծ Պահքի շրջանը: Այն տևում է 48 օր` Բուն Բարեկենդանից մինչև Ս. Հարության (Զատկի) տոնի նախօրեն: Այս տարի Ս. Հարության տոնը կնշվի ապրիլի 5-ին:

Նախորդող հրապարակումներ՝
Մեծ պահք. «... մեր գործերում և ձգտումներում նմանվենք մանուկներին»
Մեծ Պահքի խորհրդանշական շղթայի Անիրավ դատավորի կիրակին
Սեբաստիայում նահատակված քառասուն սբ մանուկների հիշատակության օրն է
«Մեծ պահքի այս օրը մեզ համար մասնավոր հրավեր է մարդկային անարդարությունից դեպի Աստծու արդարություն»
Մեծ պահք. «...հիշենք նաև մեր կողքին գտնվողներին»
Մեծ պահք. Միջինք
Մեծ պահք. «... գալու է պատասխան տալու ժամանակը»
Մեծ պահք. «Իսկ ի՞նչ է մեզանից յուրաքանչյուրն այս կյանքում բաղձում, եթե ոչ` պաշտպանություն և ապահովություն»
Մեծ պահքի խորհրդանշական շղթայի Տնտեսի կիրակին
Մեծ պահք. «Այսօր այդպիսի տեսանելի և աներույթ, մարմնավոր և անմարմին գողեր և ավազակներ վխտում են մեր հասարակության մեջ»
Մեծ պահք. «Ցավոք, մեր հասարակության մեջ այս ամենն առավել կամ նվազ չափով առկա է»
Մեծ պահք. «Իբրև քրիստոսադրոշմ ժողովուրդ, լինենք մեկ մարմին` պահելով հոգու միությունը խաղաղության կապով»
Մեծ պահք. «Հավիտենական կյանքը ժառանգելու և վայելելու պայմանը մեր պահվածքն է»
Մեծ պահք. Աստված վարձահատույց է լինում նրանց, ովքեր փնտրում են Իրեն անպայման, անշահախնդիր ու անբիծ հավատով