Ձեր վստահելի աղբյուրը

ԱԺ պատգամավոր Հրանտ Բագրատյանը 2013թ-ի պետական բյուջեի կատարողականի քննարկման ժամանակ ԱԺ-ում ունեցած ելույթում մեղադրանքներ հնչեցրեց:

«Ժամանակին, երբ մեկը դարձավ նախագահ հայտարարեց` բյուջեում փող չկա: Հա, բայց բյուջեում փող չպիտի էլ լինի, դրանք Կենտրոնական բանկի պահուստներում են: Եթե բյուջեում փող կա, կամ էլ ծախսեր կան այ դա է վատ»,-ասաց նա:

Հ. Բագրատյանի խոսքով, լուրջ խնդիր գոյություն ունի, քանի որ պատգամավորներին հստակ պատկերը չի ներկայացվում: Դիմելով ՀՀ գլխավոր գանձապետին ընդդիմադիր պատգամավորը հայտարարեց. «Մենք պետք է ստանանք բյուջեի հստակ պատկերը` կատարվել է, չի կատարվել, կոնկրետ ինչի հաշվին: Պարոն Ջանջուղազյանը պնդում է, որ դա հնարավոր չէ, բայց կա հատուկ մեխանիզմ, որ լավ էլ հնարավոր է: Մի քանի անգամ այս հարցը բարձրացրել եմ, բայց չի փոխվում, անընդհատ ասում եք, թե հնարավոր չի: Կամ դուք չեք թողնում, կամ…»:

Բագրատյանը նաև կանխատեսում արեց. «Աշնանը կռիվ է լինելու, լուրջ կռիվ ենք ունենալու սրա համար` մենք բյուջեն պետք է հաստատենք հարկերով, բայց այդպես չենք անում: Մենք պետք է բյուջեն կարգի բերենք, համապատասխանեցնենք Սահմանադրությանը»: