Ձեր վստահելի աղբյուրը

Հոկտեմբերի մեկից առողջապահության նախարարության որոշմամբ 6-27 տարեկան բոլոր անձինք պետք է կարմրուկի և կարմրախտի դեմ լրացուցիչ պատվաստում ստանան:

Այս մասին Panorama.am-ի թղթակցին ասաց առողջապահության նախարարության մամուլի քարտուղար Ռուսլանա Գևորգյանը: Նրա խոսքով, ԽՍՀՄ ժամանակաշրջանում կարմրախտով հիվանդներ գրեթե չեն եղել, իսկ վերջին շրջանում նման ախտորոշմամբ անձանց թիվը շատացել է: Ինչպես նշեց քարտուղարը, կարմրախտը հատկապես վտանգավոր է հղի և ռեպրոդուկտիվ տարիքի կանանց և աղջիկների համար, քանի որ կարող է բացասական հետևանքներ է ունենալ դեռ չծնված երեխայի առողջության վրա, ինչպես նաև կնոջ մոտ կարող է բարդ խնդիրներ առաջացնել հղիության ընթացքում: «Բացի այդ, եթե հղի կինը չպատվաստվի և հիվանդանա հղիության շրջանում, ապա երեխային հարկավոր կլինի արհեստական ընդհատում անել, քանի որ ռիսկը մեծ է, որ երեխան արատներով և թերություններով կծնվի»,- նշեց Ռ. Գևորգյանը: Նրա հավաստմամբ այժմ ստեղծվել են հանձնաժողովներ, որոնք կանոնակարգելու է այս գործըթացը:

Պատվաստման աշխատանքների կազմակերպման և մշակման ծրագրերին մասնակցել են նաև կրթության և գիտության նախարարության, ոստիկանության, բանակի ներկայացուցիչներ:

«Պատվաստման խնդիրը նաև կարևոր է բանակի, կալանավայրերի համար, քանի որ դրանք մասայական վայրեր են, որտեղ մեկ անձի հիվանդության դեպքում հնարավոր է, որ վարակվեն հազարավոր մարդիկ»,- նշեց մամուլի քարտուղարը: Ռ. Գևորգյանի հավաստմամբ, գործող խմբերը լուրջ աշխատանքներ են տանում նաև մարզերում, որտեղ ավելի բարդ է կազմակերպման աշխատանքները:

Զրույցն ընդհատվելու պատճառով բաց մնացին թերևս հարցերը, թե արդյո՞ք բոլորը ստուգվելու են հակացուցման դեպքերից և դրանց հետևանքներից խուսափելու համար, կամ պատվաստումից հրաժարվելու դեպքում` ի՞նչ...