Ձեր վստահելի աղբյուրը

Տարբեր երկրների գիտնականներ, բժիշկներ ոչ հերքում, ոչ էլ հաստատում են, որ ցորենի ալյուրը ֆոլաթթվի ավելորդ քանակությամբ հարստացնելը օրգանիզմում կարող է առաջացնել այս կամ այն պիտի հիվանդություններ: Լրագրողների հետ հանդիպման ժամանակ ասաց Հայաստանի Սպառողների ազգային ասոցիացիայի նախագահ Մելիտա Հակոբյանը՝ խոսելով «Ցորենի ալյուրի հարստացման մասին» օրենքից:

«Այս դեպքում արդյոք կարող ենք ռիսկի դիմել ու բնակչության վզին փաթեթել ալյուրի հարստացումը: Գիտենք, որ ծանր մետաղներն իրենց հետևից բերում են տարբեր հիվանդությունների աճ: ԱՄՆ-ը, Հնդկաստանը, մասնակի նաև Ռուսաստանը, Եվրամիության երկրները, կարող են իրենց թույլ տալ այդպիսի շքեղություն, բնակչության հաշվով եմ ասում, մենք որպես փոքր երկիր, քիչ ազգաբնակչությամբ, իրավունք չունենք նման ռիսկի գնալ»,-նշեց Մ. Հակոբյանը:

Ըստ նրա, թեև ՀՀ առողջապահության նախարարությունն ասում է, որ գործելու է կամավորության սկզբունքը, սակայն. «Ինչպես միշտ, մեզ մոտ սկսում են կամավոր, հետո դառնում է պարտադիր: Առողջապահության նախարարությունից ասում են, որ ընտրություն հնարավարություն են տալիս: Մեզ մոտ մեկ տիպի ալյուր է արտադարվում, առաջին կարգի: Պատասխանում եմ նախարարության հարցին, օրենքի մեջ գրված է երեսուն տոննա և ավելի ալյուր արտադրող գործարաններում պետք է հարստացվեն: Համոզված եմ, եթե այդպիսի բան լինի, երեսուն տոննա և ցածր արտադրողները կուլ գնան»:

Ասուլիսին ներկա «Հանուն առողջ սննդի» քաղաքացիական նախաձեռնություն անդամ Արման Մխիթարյանն ասաց, որ իրենք սկսել են «Միասին կասեցնենք թիվ 666 «Ցորենի ալյուրի հարստացման մասին» օրենքի ընդունումը» ստորագրահավաք: Արդեն մի քանի հարյուր ստորագրություն ունեն, հինգ-յոթ հազար ստորագրություն հավաքելու դեպում կդիմեն կառավարությանը, պատգամավորներին:

«Փող աշխատելու խնդիր չկա: Աշխարհաքաղաքական խնդիր է: Ծրագիր է: Խնդիրն աշխարհի ձևափոխման մեջ է՝ բնակչության կրճատման, մտավորական խնդիրներով հիվանդների ավելացում, հետևաբար երկրում սոցիալական բեռի ավելացում ու այդպես երկիրը խեղճացնել: Սրանք փոխկապակցած են իրար հետ»,- նշեց նախաձեռնության անդամը:

Հացաբույսերի մասնագետ Վարդուհի Մելիքյանն ասաց, որ տարբեր սննդամթերքների միջոցով հնարավոր է օրգանիզմի համար անհրաժեշտ նյութերը ստանալ: Ըստ նրա, նախ պետք է ուսումնասիրել, թե ինչու են ավելանում հիվանդությունները ու չկապել միայն սննդի հետ:

«Դիմում եմ առողջապահության նախարարությանը՝ ֆոլաթթուն, երկաթը բերում են տարբեր հիվանդություններ: Ինչու եք պարտադրում: Ում անհրաժեշտ է, կարող է դեղորայքի տեսքով օգտագործի, կարող են արտադրել դիետիկ հացատեսակներ: Այսինքն խնդիրը կարելի է հանգիստ լուծել, առանց մասսայականացնելու գործընթացը»,- նշեց նա: