Ձեր վստահելի աղբյուրը

Վահրամաբերդ գյուղում այսօր զենքի պայթյունի ու դրանից զոհված երեխաների մասին մանրամասներ հայտնեց գյուղապետ Աղվան Մարտիրոսյանը:

«Դրա վրա ալյումին է եղել, խփել են, չկրակված զենք է եղել, պայթել է, երկու երեխան էլ մահացել են», -Panorama.am-ի թղթակցին հայտնեց գյուղապետը,  նշելով, որ այդ տարածք գնալը արգելված է եղել:

Աղվան Մարտիրոսյանը  տեղեկացրեց նաև, որ Վահրամաբերդի բնակիչներ Մկրտչյանն ու Գևորգյանը իրենց անասունները արածեցնելու համար տարել են մոտակա տարածք, սակայն նրանց երեխաները՝ 15-ամյա Մուշեղ Գևորգյանն ու 12-ամյա Արթուր Մկրտչյանը բարձրացել են սարը, որտեղ չկրակված զենք է եղել:

Մարտիրոսյանն ասաց, որ ծնողների հետ երեխաները գնացել են անասուններին արածեցնելու և գնացել են այդ տարածք, որպեսզի ջուր խմեն, ինչի արդյունքում էլ կատարվել է ողբերգությունը:

Մկրտչյանը ու Գևորգյանը հարևանների երեխաներ էին. Արթուր Մկրտչյանը իրենց ընտանիքի 8 երեխաներից մեկն էր, իսկ Մուշեղ Գևորգյանը՝ հինգ երեխաներից մեկը:

«Երկու ընտանիքներն էլ գյուղի ամենածանր ապրող ընտանիքներից են: Շատ ծանր վիճակում են ապրում», -հավելեց գյուղապետը:

Նախորդող հրապարակում. Ռուսական զորքերի տարածքում տեղի ունեցած պայթյունից երեխաներ են մահացել