Ձեր վստահելի աղբյուրը

ՀՀ Փաստաբանների պալատի ակումբը և Ամերիկյան իրավաբանների ընկերակցության Հայաստանյան Գրասենյակը կազմակերպել են հերթական համատեղ քննարկումը նվիրված ՀՀ Քրեական դատավարության օրենսգրքի նախագծի վերաբերյալ: Այս մասին հայտնում են պալատի լրատվական ծառայությունից:

Քննարկումը նվիրված է եղել մեղադրյյալի, տուժողի, վկայի ցուցմունքի դեպոնացմանը և մեղադրյալին սուտ ցուցմունք տալու համար քրեական պատասխանատվության ենթարկելուն: Ինչպես փոխանցում է աղբյուրը, միջոցառման մասնակիցները կարծում են, որ այս օրենսգրքով նախագծով առաջարկվող որոշ լուծումներ վտանգելու են մեղադրյալի հիմնարար իրավունքների և ազատությունների իրականացումը:

«Ակումբի նիստի մասնակիցները փաստել են, որ Նախագծի հեղինակները դուրս են եկել Հայեցակարգով առաջարկվող լուծումներից և այնպիսի նորամուծություն են մտցրել ՀՀ քրեական դատավարության օրենսգրքի նախագծում, որ նույնիսկ եվրոպացի փորձագետնեն են զարմանք հայտնել այդ լուծումների վերաբերյալ: Նշված լուծումները հակասում են ՄԻԵԿ-ի դրույթներին: Դեպոնացման ինստիտուտը կհանգեցնի նրան, որ ըստ էության գործեր քննող դատարանները դատավճռի հիմքում կդնեն մեղադրյալների, վկաների և տուժողների դեպոնացված ցուցմունքները: Պաշտպանական ինստիտուտը, ըստ էության, անելիք չի ունենա: Մեղադրյալները կզրկվեն ցուցմունք տալու իրավունքից և կլռեն, քանի որ դեպոնացված ցուցմունքի հակասող ցուցմունք տալու դեպքում մեղադրյալների նկատմամբ միևնույնն է մեղադրական դատավճիռ կկայացվի և դատապարտվելուց հետո նրանց նկատմամբ քրեական հետապնդում կիրականացվի սուտ ցուցմունք տալու համար:

Եթե մեղադրյալներն այս անգամ էլ նախկին գործով դեպոնացված ցուցմուքին հակասող ցուցմունք տան, ապա դրա համար նույնպես նրանց նկատմամբ քրեական հետապնդում կիրականացվի և այսպես շարունակ: Բացի այդ նշված ինստիտուտի ներդրումը կծանրաբեռնի առանց այն էլ ծանրաբեռնված դատարաների աշխատանքը: Անհրաժեշտություն է առաջանալու նոր դատավորների նշանակման»,- ասված է հայտարարության մեջ»:

Ակումբի նիստի մասնակիցներն անդրադարձել են նաև ձերբակալման թեմային, մասնավորապես անձին առանց կարգավիճակի և առանց պաշտպանի 6 ժամ անազատության մեջ պահելու մասին: Ընդ որում, նախագծով, որոշ դեպքերում անձը զրկվել է այդ 6 ժամվա ընթացքում իր հարազատներին իր գտնվելու վայրի մասին տեղյալ պահելու մասին: Հետաքրքիր է, եթե մեղադրյալի հարազատները տեղյակ չլինեն, ով է ապահովելու մեղադրյալի պաշտպան ունենալու իրավունքը:

Ակումբի նիստի մասնակիցները հայտարարել են, որ ՀՀ Քրեական դատավարության օրենսգրքի նախագծի ընդունումը լուրջ խնդիրներ է առաջացնելու ՀՀ-ում, վտանգվելու են մարդու հիմնարար ազատությունները և իրավունքները, ուստի հետոողական պայքարելու են, որպեսզի նախագծի որոշ դրույթների չընդունվեն: Որոշվել է Նախագծի վերաբերյալ կազմակերպել ծավալուն քննարկումներ, քննարկումներին մասնակից դարձնել ԱԺ պատգամավորերի, դատաիրավական համակարգի ներկայացուցիչների, ՀՀ Մարդու իրավունքների պաշտպանին, ՀԿ -ների և այլն: Քննարկման ընթացքում հնչեցված տեսակետները և հիմնավորումները հարկ լինելու դեպքում ներառել ՀՀ Փաստաբանների պալատի կողմից ՀՀ ԱԺ ներկայցվելիք առաջարկություններում:

Նախորդիվ`

Արթուր Ղամբարյան. Գերատեսչական շահերն ազդում են օրենսդրական քաղաքականության արդյունավետության վրա (Տեսանյութ)

ԱԺ պատգամավոր. Ցուցմունքների դեպոնացման ինստիտուտն ավելի շատ բացառություն է լինելու կանոնից

Ցուցմունքների դեպոնացման ինստիտուտն արհեստական է. Ղամբարյանը պնդում է, որ Աղվան Հովսեփյանը կապ չունի այդ գաղափարի հետ

Նոր Քրեական դատավարության օրենսգրքով պետությունում կմահանա քրեական արդարադատությունը. Փաստաբան

Քրեական դատավարության նոր օրենսգրքի նախագծի հարցում ՄԻՊ-ը հետևողական է լինելու

Վճռաբեկ դատարանի քրեական պալատի նախագահը` քրեական դատավարության նոր օրենսգրքի մասին