Ձեր վստահելի աղբյուրը

Փաստաբանների պալատի նախագահ Արա Զոհրաբյանը հույս ունի, որ կգան ժամանակներ, երբ դատարաններում դատախազներն ու փաստաբանները կխաղան շախմատ:

«Ինձ թվում է մենք պետք է հասնենք նրան, որ գնանք ու դատարաններում խաղանք շախմատ, այսինքն` ինտելեկտուալ խաղ, այլ ոչ թե անցնենք ուրիշ խաղերի մեջ», -այսօր Փաստաբանների պալատում Սահմանադրական բարեփոխումների հայեցակարգի նախագծի քննարկման ժամանակ դիմելով քննարկմանը ներկա ՍԴ բարեփոխումների մասնագիտական հանձնաժողովի անդամ, Գլխավոր դատախազ Գոևրգ Կոստանյանին` հայտարարեց Զոհրաբյանը և հետաքրքրվեց, թե որպես մեղադրող կողմ, ինչպես է գլխավոր դատախզը վերաբերում հայեցակարգի նախագծում նշված երդվյալ ատենակալների ինստիտուտի ներդրմանը:

Կոստանյանն ի պատասխան նկատեց, որ Հայաստանի հասարակության շրջանում բարոյական պարտավորվածության զգացումը չափազանց բարձր է:

«Անկեղծ ասած, ես կարծում եմ, որ մեր հասարակությունն առայժմ պատրաստ չէ այդ ինստիտուտի ներդրմանը: Ժամանակ պետք է անցնի, որ մեր իրավագիտակցության մակարդակը բարձրանա այնքան, որ բարոյական կանոնները անձնական, սուբյեկտիվ պարտավորությունը ստորասդասվի հասարակական շահին», -հավելեց Գլխավոր դատախազը:

Նրա պնդմամբ, երդվյալ ատենակալների ինստիտուտի ներդրմամբ բացարձակ արդարադատություն չենք կարող ունենալ: Հետևաբար, գլխավոր դատախազի խոսքով, այդ համակարգին անցնելը շատ վաղ է:

Սահամանդրական բարեփոխումների մասնագիտական հանձնաժողովի նախագահ, ՍԴ նախագահ Գագիկ Հարությունյանը ևս «կատեգորիկ դեմ է» երդվյալ ատենակալների ինստիտուտին:

«Ես կատեգորիկ դեմ եմ, որ մեզ մոտ քննարկվի, ցանկացած քրեական գործի քննություն իրականացվի երդվյալների մասնակցությամբ: Մենք դա ֆինանսապես չենք կարող անել և ոչ էլ կհասնենք արդյունքի», -հավելեց ՍԴ նախագահը:

Հարակից հրապարակումներ`

Արդարադատությունը պետք է լինի անկախ ու անկողմնակալ. ՍԴ բարեփոխումների հայեցակարգի տեսլականը

Գագիկ Հարությունյանը ներկայիս դատական համակարգը համեմատում է քառակուսի անիվներով կառքի հետ

Հայաստանում մասնագիտացված զինվորական դատարան ստեղծելու անհրաժեշտություն կա. Գևորգ Կոստանյան