Ձեր վստահելի աղբյուրը

Հունիսի 12-ին Կենտրոն և Նորք Մարաշ վարչական շրջանների ընդհանուր իրավասության դատարանի դիմաց կայանված մեքենաներից մեկի վրայից ոստիկանների ուղղությամբ կրակոցներ արձակած Հայկ Կյուրեղյանը կալանավորվել է: Այդ մասին տեղեկացնում են ոստիկանության լրատվական ծառայությունից:

Ավելի վաղ տեղեկացրել էինք, որ հունիսի 12-ին 31-ամյա Հայկ Կ.-ն Կենտրոն և Նորք-Մարաշ վարչական շրջանների ընդհանուր իրավասության դատարանի վարչական շենքի դիմաց բարձրացել է կայանված ավտոմեքենաներից մեկի վրա և հայտարարել, որ մեքենայում ռումբ կա: Ոստիկանությունից հաղորդել էին, որ կոպիտ կերպով խախտելով հասարակական կարգը և չենթարկվելով ոստիկանների օրինական պահանջներին` Հայկ Կ.-ն իր մոտ եղած ատրճանակից կրակոցներ է արձակել տեղում ծառայություն կատարող ոստիկանների ուղղությամբ: Հայկ Կ.-ն բերման է ենթարկվել ոստիկանության Կենտրոնականի բաժին: Ատրճանակն առգրավվել է:

Փաստի առթիվ ՀՀ քրեական օրենսգրքի 258 հոդվածի 4-րդ մասի հատկանիշներով հարուցվել է քրեական գործ: Կատարվում է նախաքննություն:

Հարակից հրապարակումներ`

Դատարանի դիմաց հնչած կրակոցների հետևանքով ոստիկաններ են վիրավորվել

Դատարանի դիմաց կրակոցներ արձակած երիտասարդը բերման է ենթարկվել

Դատարանի մոտ կրակած երիտասարդը ձերբակալվել է

Դատարանի մոտ կրակոցներ արձակած Կյուրեղյանն ունի մարմնական վնասվածքներ. Դիտորդներ