Ձեր վստահելի աղբյուրը

Կ. Դեմիրճյանի անվան Մարզահամերգային համալիրն այսօր, շուրջ մեկ ժամ առաջ, արդեն չորրորդ անգամ հանվել է աճուրդի: Այդ մասին Panorama.am-ը տեղեկանում է ԱՆ Դատական ակտերի հարկադիր կատարման ծառայության պաշտոնական կայքէջից:

Աճուրդը կշարունակվի մինչև հուլիսի 14-ը: Այս անգամ շենքի մեկնարկային գինը սահմանվել է 14 մլրդ 106 մլն 150 հազար դրամ: Երրորդ անգամ հայտարարված աճուրդի ժամանակ այն գնահատվել էր 15 մլրդ 673 մլն 500 հազար դրամ: Սկզբում համալիրն աճուրդի էր հանվել19 350 000 000.0 դրամ մեկնարկային գնով:

Ավելի վաղ Panorama.am-ը տեղեկացրել էր, որ Համալիրի ղեկավարությունը դիմել էր վերաքննիչ քաղաքացիական դատարան` աճուրդի մասին ԴԱՀԿ որոշումն առոչինչ ճանաչելու հայցով: Աճուրդի մասին ԴԱՀԿ որոշումը Համալիրը համարում է անօրինական և վիճարկում է` ելնելով այն հանգամանքից, որ աճուրդը հայտարարվել է ԴԱՀԿ ծառայության Երևան քաղաքի Կենտրոն և Նորք-Մարաշ բաժնի կողմից, մինչդեռ հայաստանյան օրենսդրությամբ նման բաժին գոյություն չունի: Panorama.am-ի թղթակցի հետ զրույցում Համալիրի ներկայացուցիչ Կորյուն Գրիգորյանը հայտարարել էր, որ Համալիրի աճուրդը Վերաքննիչ դատարանը ճանաչել է անօրինական:

Այս հայտարարությունից հետո ԴԱՀԿ լրատվական ծառայությունը պատասխան հայտարարություն տարածեց, որով տեղեկացրել էր, որ աճուրդային գործընթացը կասեցնելու մասին տեղեկությունները իրականությանը չեն համապատասխանում և փաստորեն, նորից շենքը հանել է աճուրդի:

Հարակից հրապարակումներ`

Վերաքննիչ դատարանում Մարզահամերգային համալիրի գործով փաստաբանը բոյկոտել է նիստը