Ձեր վստահելի աղբյուրը

«Ձեզ ուզում եմ հավաստիացնել, որ ես կալանքն այսքան ժամանակ կրում եմ լուռ, անտրտունջ, այնպես, որ ես ինքս ինձ հարգում եմ այդ կալանքում, և միայն ու միայն Ձեր հայեցողությանն եմ թողնում: Եթե Դուք գտնեք 20 օր, կլինի 20 օր, եթե 1 տարի, կլինի 1 տարի, եթե 10 կամ 3 օր, կլինի այդքան: Սա ինձ համար ոչ մի նշանակություն չունի: Ինձ համար կարևոր է, որ լինի օբյեկտիվ որոշում»,- դատական նիստի ժամանակ հայտարարեց Վարդեն Պետրոսյանը, երբ դատավոր դիմեց, թե ի՞նչ կարծիք ունի տուժողների շահերի ներկայացուցիչ Ռուբեն Բալոյանի այն միջնորդության վերաբերյալ, որով խնդրեց 20 օր ժամանակ տրամադրել` պաշտպանական կողմի միջնորդության մեջ նշված բոլոր փաստերը ստուգելու համար:

Վարդան Պետրոսյանի պաշտպանները դեմ չէին միջնորդության ուսումնասիրության համար տուժող կողմին ժամանակ տրամադրելուն, բայց դեմ էին 20-օրյա ժամկետին: Փաստաբան Սամվել Ջաղինյանը նշեց, որ 20 օրը օրենքի շրջանակներից դուրս է, խնդրեց ողջամիտ ժամկետ սահմանել:

«Միտում է գնում դատավարությունը ձևական, անհարկի ձգձել»,- ասաց նա:

Դատարանը որոշեց հաջորդ դատական նիստը նշանակելով 12 օրից` նոյեմբերի 19-ին:

Գործով մեղադրող դատախազ Արթուր Սարգսյանը նշեց, որ Նիկոլայ Բաղդասարանի միջնորդությունը ձևական բնույթի է: Հիշեցնենք, որ Վարդան Պետրոսյանի պաշտպան Նիկոլայ Բաղդասարյանն այսօր դատական նիստի ընթացքում դեպի վայրի զննության արձանագրությունն անթույլատրելի ճանաչելու միջնորդություն է ներկայացրել:

Նախորդող հրապարակումներ՝
Վարդան Պետրոսյանի գործով վկան մոռացել է ստորագրել դեպքի վայրի զննության արձանագրությունը
Վարդան Պետրոսյանի պաշտպանները դատական նիստին չներկայացան
Վարդան Պետրոսյանի գործով նոր պաշտպան է ներգրավվել
Վարդան Պետրոսյանի գործով հարցաքննվեց ավտոտեխնիկական փորձաքննությունը կատարած մասնագետը
Վարդան Պետրոսյանը՝ տուժողներին. Ես դուրս կգամ ու բոլոր հարցերին կպատասխանեմ
Վարդան Պետրոսյանի գործ. Փաստաբանը ներկայացնում է նոր լուսանկարներ
Բժիշկ. Վարդան Պետրոսյանի մոտ խմածության ցուցանիշը եղել է զրո
Վկաները պնդեցին, որ Վարդան Պետրոսյանի վրայից ալկոհոլի հոտ չեն զգացել
Վարդան Պետրոսյանի գործով տուժող կողմին զգուշացում կտրվի` պաշտպանին սպառնալու համար