Ձեր վստահելի աղբյուրը

Դերասան Վարդան Պետրոսյանի փաստաբան Նիկոլայ Բաղդասարյանի միջնորդության վերաբերյալ՝ դեպքի վայրի զննության արձանագրությունն անթույլատրելի ճանաչել, դատարանը վերջնական որոշում կկայացվի խորհրդակցական սենյակում վերջնական դատական ակտ կայացնելիս: Այս մասին այսօրվա դատական նիստում հայտարարեց դատավոր Վաղինակ Մկրտչյանը:

Դատավոր Վաղինակ Մկրտչյանն ասաց, թե դատարանը չի կարող կանխակալ մոտեցում ցուցաբերել ապացույցներին, չի կարող դրանց որոշ մասին մյուսների նկատմամբ առավել կամ նվազ նշանակություն տալ՝ մինչև դրանց հետազոտումը: Նա նշեց, որ պաշտպանի մատնանշած ապացույցները հնարավոր է հետազոտել, բազմակողմանի և օբյեկտիվ ստուգել, ինչպես նաև մյուս ապացույցների համակցությամբ դրանք գնահատել պատշաճ իրավական ընթացացակարգի շրջանակում, այսինքն՝ խորհրդակցական սենյակում վերջնական դատական ակտ կայացնելիս:

Մինչ այդ, տուժող կողմի շահերի ներկայացուցիչ փաստաբան Ռուբեն Բալոյանը հանդես եկավ առարկությամբ՝ կապված այդ միջնորդության հետ: Նա նշեց, որ պաշտպանական կողմը դատարանին չներկայացրեց որևէ էական խախտում, որով կրող է զննության արձանագրության հավաստիությունը դրվել կասկածի տակ: Փաստաբանի խոսքով, միջնորդության մեջ կան սուբյեկտիվ մեկնաբանություններ, որոշ փաստեր ներկայացված են ուռճացված, որոնք մարդկանց կարող են գցել թյուրիմացության մեջ, ձևական, «Ձևական պատճառաբանություններով ամբաստանյալը կխուսափի քրեական պատասխանատվությունից և պատժից, ինչը լուրջ վնաս կհասցնի արդարադատությանը»:

Նա դիմելով դատարանին նշեց, որ պետք է մերժել միջնորդությունը՝ անհիմն լինելու պատճառով:

Իր հերթին Ն. Բաղդասարյանը կրկին հանդես եկավ միջնորդությամբ՝ դառաձեռագրաբանական համապատասխան փորձաքննության ենթարկել ընթերակա Գրիշա Գասպարյանի ստորագրությունը՝ արդյո՞ք ինքն էր ստորագրել դեպքի վայրի զննության արձանագրության տակ, թե ոչ: Ֆրանսիացի մասնագետը, Ն. Բաղադասրյանի ներկայացմամբ, այդ երկու ստորագրություններում տարբերություն է տեսել:

Ռ. Բալոյանն էլ ասաց, որ դեմ չէ փորձաքննությանը. «Թող պարզվի, եթե կեղծված է, պատժվեն»:

Դատարանը գնաց խորհրդակցական սեյակ՝ միջնորդության վերաբերյալ որոշում կայացնելու համար:

Նախորդող հրապարակումներ՝
Վարդան Պետրոսյանի գործով դատական նիստը սկսվելուց անմիջապես հետո հետաձգվեց
Վարդան Պետրոսյանի գործով վկան մոռացել է ստորագրել դեպքի վայրի զննության արձանագրությունը
Վարդան Պետրոսյանի պաշտպանները դատական նիստին չներկայացան
Վարդան Պետրոսյանի գործով նոր պաշտպան է ներգրավվել
Վարդան Պետրոսյանի գործով հարցաքննվեց ավտոտեխնիկական փորձաքննությունը կատարած մասնագետը
Վարդան Պետրոսյանը՝ տուժողներին. Ես դուրս կգամ ու բոլոր հարցերին կպատասխանեմ
Վարդան Պետրոսյանի գործ. Փաստաբանը ներկայացնում է նոր լուսանկարներ
Բժիշկ. Վարդան Պետրոսյանի մոտ խմածության ցուցանիշը եղել է զրո
Վկաները պնդեցին, որ Վարդան Պետրոսյանի վրայից ալկոհոլի հոտ չեն զգացել
Վարդան Պետրոսյանի գործով տուժող կողմին զգուշացում կտրվի` պաշտպանին սպառնալու համար