Ձեր վստահելի աղբյուրը

Այսօր Վերաքննիչ քրեական դատարանում շարունակվեց Շանթ Հարությունյանի և ընկերների գործով վերաքննիչ բողոքի քննությունը:
Սակայն դատականը նիստը որոշ ժամանակ անց հետաձգվեց նախագահող դատավոր Արշակ Խաչատրյանի և ամբաստանյալներից Վարդան Վարդանյանի միջև վիճաբանության պատճառով:

Վ. Վարդանյանը խոսեց Գյումրում կատարված դեպքերի մասին՝ նշելով, որ դրանց վերաբերյալ ոչ լիարժեք բացատրություններ, մեկնաբանություններ մինչ այժմ չեն ներկայացվել: Նա հնչեցրել է հայհոյանքներ: Դատավորը հորդորել է հանգիստ խոսել, ձայնը չբարձրացնել, չխախտել դատավարական կարգը: Այնուհետև նիստը հետաձգվել է:

Հիշեցնենք, որ 2014 թ. հոկտեմբերի 17-ին առաջին ատյանի դատարանի որոշմամբ «Ցեղակրոն» կուսակցության նախագահ Շանթ Հարությունյանը դատապարտվել է 6 տարվա ազատազրկման: Շահեն Հարությունյանը դատապարտվել է 4 տարվա ազատազրկման՝ պատիժը պայմանական չկիրառելու պայմանով, Արթուր Մարգարյանը՝ 6 տարվա ազատազրկման, Ալեք Պողոսյանը՝ 4, Արմեն Հովհաննիսյանը՝ 2, Ավետիս Ավետիսյանը՝ 5, Հայկ Հարությունյանը՝ 4 տարի 6 ամիս, Լիպարիտ Պետրոսյանը՝ 5, Միսակ Առաքելյանը՝ նվազագույն աշխատավարձի 50 –ապատիկի չափով տուգանք, Մկրտիչ Հովհաննիսյանը՝ 4 տարի, Սևակ Մնացականյանը՝ 1 տարի 6 ամիս, Տիգրան Պետրոսյանը՝ 1, Վահե Մկրտչյանը՝ 7, Վարդան Վարդանյանը՝ 5: Պատժի սկիզբը համարվում է 2013 թ. նոյեմբերի 5-ը:

Նախորդող հրապարակումներ՝

Շանթ Հարությունյանի և ընկերների գործով վերաքննիչ դատական նիստը՝ դեկտեմբերի 27-ին
Շանթ Հարությունյանի փաստաբանը վերաքննիչ բողոք է ներկայացրել
Շանթ Հարությունյանը դապարտվեց 6 տարվա ազատազրկման, որդին՝ 4 տարվա