Ձեր վստահելի աղբյուրը

Քիչ առաջ Սահմանադրական դատարանի որոշմամբ, քաղաքացի սպառողները, ինչպես նաև հանրային ծառայություն մատուցող ընկերությունները շուտով կարող են բողոքարկել Հանրային ծառայությունները կարգավորող հանձնաժողովի սահմանած սակագների մեծությունը բողոքարկել ընդհանուր իրավասության դատարաններում: ՍԴ-ի որոշման համաձայն, «Հանրային ծառայությունները կարգավորղ մարմնի մասին» օրենքի 12 հոդվածի երկրորդ նախադասությունը, որը բացառում էր սակագների մեծության դատական բողոքարկման հնարավորությունը, հակասում է Սահմանդրության 18 հոդվածի 1-ին մասի և 43 հոդվածի 2-րդ մասի պահանջներին հակասող և անվավեր: Նշենք, որ այդ հոդվածների համաձայն, յուրաքանչյուր ոք ունի իր իրավունքների և ազատությունների դատական, ինչպես նաև պետական այլ մարմինների առջև իրավական պաշտպանության արդյունավետ միջոցների իրավունք, մարդու և քաղաքացու հիմնական իրավունքների ու ազատությունների սահմանփակումները չեն կարող գերազանցել ՀՀ միջազգային պարտավորություններով սահմանված շրջանակը:

ՍԴ-ն այսօր ընդունած իր որոշման մեջ նաև նշել է, թե «Հանրային ծառայությունները կարգավորող մարմնի մասին» օրենքի վիճարկվող դրույթը, համաձայն որի հանձնաժողովի սահմանած սակագնային մեծությունները դատական կարգով փոփոխման ենթակա չեն, համապատասխանում է Սահմանդրությանը:

Հիշեցնենք, որ վերոհիշյալ օրենքի դրույթի սահմանադրականության վիճարկման և անվավեր ճանաչման հայցով ՍԴ էր դիմել պատգամավորների մեկ հինգերորդի ներկայացուցիչ, ՕԵԿ խմբակցության անդամ Հովհաննես Մարգարյանը: Պատասխանող կողմը ներկայացնում էր ԱԺ աշխատակազմի օրենսդրության վերլուծության բաժնի պետ Աշոտ Խաչատրյանը: