Ձեր վստահելի աղբյուրը

Լիսաբոնում հրապարակվել է աշխարհի նոր յոթ հրաշալիքների ցուցակը: Ինչպես հաղորդում է Взгляд.ru-ն, ինտերնետային հարցման արդյունքներով, որին մասնակցել են մոլորակի 100 մլն-ից ավելի բնակիչներ, ընտրվել են աշխարհի հրաշալիքները: Թեկնածուների ցուցակում ընդգրկված է եղել ընդամենը 21 օբյեկտ: Այսպիսով,  հրաշալիքներ են ճանաչվել Չինական Մեծ պարիսպը (Չինաստան), Պետրոսի համալիրը (Հորդանան), Քրիստոսի արձանը Ռիո դե Ժանեյրոյում (Բրազիլիա), ինկերի Մաչու-Պիկչու քաղաքը (Պերու), մայաների բուրգերը Չիչեն-Իտցայում (Մեքսիկա), Հռոմի կոլիզեումը (Իտալիա), և Թաջ Մահալի համալիրը (Հնդկաստան):

Աշխարհի հրաշալիք կոչվելու համար պայքարին մասնակցում էին նաև Ստոունհենչը (Մեծ Բրիտանիա), Էյֆելյան աշտարակը (ՓԱրիզ), Ազատության արձանը (Նյու Յորք), Մոսկվայի Կրեմլը (Ռուսաստան), Սիդնեյի օպերայի թատրոնի շենքը (Ավստրալիա), Աթենական Ակրոպոլիսը (Հունաստան), Ալգամբրան (Իսպանիա), Անգկոր-Վատ տաճարը (Կամբոջա), Այա-Սոֆիա մզկիթը Ստամբուլում (Թուրքիա), Գիզայի բուրգերը (Եգիպտոս), Զատկի կղզու քարե արձանները, Կիյոմիձու-Դերա տաճարը (Ճապոնիա), Նոյշվայնշտայն ամրոցը (Գերմանիա), հինավուրց մզկիթները (Մալի):

Նոր ցուցակը փոխարինելու կգա 2000 տարի առաջ Փիլոն Բյուզանդացու կազմածին: Աշխարհի նոր յոթ հրաշալիքների ցուցակ կազմելու գաղափարը հղացել է շվեցարացի միլիոնատեր, կինեմատոգրաֆ Բերնարդ Վեբերի մոտ: Հեռուստանկարի վաճառքի եկամտի կեսը կազմակերպիչները կծախսեն Աֆղանստանում բուդդայական հուշահամալիրի վերականգնման վրա, որն ավերվել էր 2001թ. թալիբների կողմից: Հաղորդվում է նաև, որ UNESCO-ն հիշյալ ցուցակին լուրջ չի վերաբերում` այն անվանելով «մասնավոր նախաձեռնություն»: Սակայն այս որակումը չի խանգարել ցուցակում ընգրկված տեսարժան վայրերի գտնվելու երկրներում տոնակատարություններ իրականացնելու համար: