Ձեր վստահելի աղբյուրը

2008թ. փետրվարի 7-ի դրությամբ` ընտրախախտումների վերաբերյալ ստացվել է 34 հաղորդում, որոնցից 17-ը` մամուլի հրապարակումներում: Դրանց քննարկման արդյունքներով հարուցվել է 8 քրեական գործ, կայացվել է քրեական գործ հարուցելը մերժելու մասին 17 որոշում, տրվել է 5 պարզաբանում, 9 հաղորդումների քննարկումն ընթացքի մեջ է: Այս մասին տեղեկացնում է գլխավոր դատախազի մամուլի քարտուղարը:

Աղբյուրի փոխանցմամբ, հարուցված քրեական գործերը հարուցված են հունվարի լույս 25-ի գիշերը Վանաձոր քաղաքի Վարդանանց փողոցի 47 շենքի 1-ին հարկում գտնվող «Օրինաց Երկիր» կուսակցության գրասենյակի պատուհանի ապակիները կոտրելու և նույն շենքի պատին ամրացված հիշյալ գրասենյակի ցուցանակը վնասելու, հունվարի 27-ին Թալին քաղաքի հրապարակում, Լևոն Տեր-Պետրոսյանի նախընտրական հանդիպման ժամանակ Սարգիս Կարապետյանին ծեծի ենթարկելու, Լևոն Տեր-Պետրոսյանի համակիրների կողմից ավտոերթի ժամանակ մոտավորապես 150-200 ավտոմեքենաների վարորդների կողմից Բաղրամյան պողոտայի և Դեմիրճյան փողոցի խաչմերուկում ոստիկանների «կանգ առ» ազդանշանին չենթարկվելու և նրանց նկատմամբ բռնություն գործադրելու սպառնալիքով երթևեկությունը շարունակելու, hունվարի 30-ին Հաղթանակ գյուղում Սեյրան Հարոյանի կողմից Սերժ Սարգսյանի նախընտրական շտաբում որսորդական հրացանով կրակելու, փետրվարի 1-ին Երևանի Նոր Նորքի 5-րդ զանգվածի Սերժ Սարգսյանի Մառի փողոցի թիվ 12 հասցեում գտնվող Սերժ Սարգսյանի նախընտրական շտաբի և Միկոյան փողոցի 14 շենքի նկուղային հարկում գտնվող Սերժ Սարգսյանի նախընտրական շտաբի վերևում տեղակայված վարսավիրանոցի պատուհանի ուղղությամբ հնչած կրակոցների, փետրվարի 1-ին Վանաձորի Տիգրան Մեծ պողոտայի թիվ 29 շենքի 1-ին հարկում գտնվող Լևոն Տեր-Պետրոսյանի նախընտրական շտաբի գրասենյակի աստիճաններին հեղուկ վառելիքով լցված ապակյա շիշը կոտրելու և այրելու և փետրվարի 6-ին Արտաշատ քաղաքի «Շառլ Ազնավուրի» անվան մշակույթի պալատի հրապարակում` ընտրողների հետ նախագահի թեկնածու Լևոն Տեր-Պետրոսյանի հանդիպման ժամանկ տեղի ունեցած ծեծկռտուքի փաստերով: