Ձեր վստահելի աղբյուրը

ՀՀ Մարդու իրավունքների պաշտպանի գրասենյակից դիմում-բողոքների ինչպես նաև դրանց կապակցությամբ Պաշտպանի կողմից ձեռնարկված միջոցառումների վերաբերյալ տեղեկացնում են հետևյալը.

Զեյթունի հանրակացարանների տարածքում գտնվող ՀՀԿ շտաբում քաղաքացիներին թիվ 9 ձևի տեղեկանքներ տրաադրելու, այնուհետև նրանց միկրոավտոբուսներով տեղամասային կենտրոններ տեղափոխելու մասին լրագրողի տեղեկության վերաբերյալ ՀՀ Մարդու իրավունքների պաշտպանի գրասենյակին ԿԸՀ-ից պարզաբանում ստանալ չի հաձողվել: Ահազանգով ստացված տեղեկատվությունը փոխանցվել է ՀՀ Գլխավոր Դատախազության: Պաշտպանի աշխատակազմի արագ արձագանքման խումբը մեկնել է նշված տարածք և արձանագրել է միկրոավտոբուսների քանակը և համարները:

Լևոն Տեր-Պետրոսյանի վստահված անձ Հակոբ Հ-ն հայտնել է, որ Դավիթաշենի 4-րդ թաղամասում մարդկանց միկրոավտոբուսներով տեղափոխում են տեղամասային կենտրոններ:Պաշտպանի արագ արձագանքման խումբը տեղում արձանագրել է միկրոավտոբուսների քանակը, որոնք սահմանված կարգից մոտ են կանգնած եղել տեղամասային կենտրոններին:

Ստացվել է հաղորդում առ այն, որ Աբովյանում ծեծի են ենթարկել վստահված անձ Լարիսա Թադսևոսյանը: Ըստ չշտված տեղեկությունների քաղաքացին դիմել է ոստիկանություն, որտեղ նրան տրամադրել են դատաբժշկի ուղեգիր:

Վստահված անձ Իվետա Գ-ն հայտնել է, որ Արտաշատի թիվ 5 դպրոցում կազմավորված տեղամասային կենտրոնում տեղի է ունեցել լցոնում: Մոտ 250 հոգի մուտք են գործել տեղամասային կենտրոն և քվեաթերթիկներ են գցել քվեատուտուփի մեջ: Հաղորդումը փոխանցվել է թիվ 17 Ընտրատարածքային ընտրական հանձնաժողովի նախագահին, որը հերքել է նշված տեղեկությունը: Հաղորդումը փոխանցվել է ԿԸՀ-ի իրավաբանական բաժնի աշխատակից Սևակին: Տվյալները ճշտվում են:

Արարատի մարզի Շահումյան գյուղի տեղամասային կենտրոններ են մուտք գործել ԱԺ պատգամավոր Կարեն Կարապետյանը և նրան ուղեկցող քաղաքացիներ Ստեփանյան Վարդանը, Ստեփանյան Ստյոպան, վերցրել են այլ քաղաքացիների քվեաթերթիկները և անձնագրերը, և քվեարկել նրանց փոխարեն: Ստացված ահազանգը փոխանցվել է համապատասխան ոստիկանության բաժանմունքի պատասխանատու Նյուլբենկյանին: Տվյալները ճշտվում են:

Մալաթիա-Սեբաստիա համայնքում ծեծի է ենթարկվել վստահված անձ Պարգև Մնացականյանը, որը փորձել է կանխել ընտրախախտումները: Արագ արձագանքման խումբը մեկնել է դեպքի վայր այնուհետև ոստիկանություն, որտեղ դեպքի առթիվ նախապատրաստվել են նյութեր և փոխանցվել դատախազություն:

Էրեբունի համայնքի 13/16 տեղամասային կենտրոնում ծեծի են ենթարկվել Աժ պատգամավոր Արմեն Մարտիրոսյանը, դիտորդական խմբի անդամ Սեդա Մելիքյանը և լրագրող: Պաշտպանի արագ արձագանքման խմբի անդամները հանդիպել են նրանց հետ: Հանդիպման ընթացքում պարզվել է, որ նշված անձինք ստանալով տեղեկություններ այն մասին, որ տեղամասային կենտրոնում կատարվում են ընտրախախտումներ, այցելել են տեղամասային կենտրոն: Նրանց է մոտեցել ոստիկանության աշխատակից և դուրս է հրավիրել: Տեղի է ունեցել քաշքշուկ և դեպքի վայր է ժամանել ոստիկանության բաժնի պետը: Տեղի ունեցող դեպքերը փորձել է նկարահանել “Հայկական Ժամանակ” թերթի լրագրողը որին հարվածել են որովայնին և խլել են ձայնագրիչը: Դեպքի առթիվ նշված անձինք դիմել են դատախազություն ինչպես նաև Պաշտպանին: Տվյալները ճշտվում են:

Ռուբեն Թորոսյանը հայտնել է, որ փետրվարի 19-ին ժամը 15.21 Արտաշես Գեղամյանը Հանրային ռադիոյի «Ռադիոլուր» հաղորդման միջոցով իրականացրել է հակաքարոզչություն: Տվյալները ճշտվում են:

Քաղաքացի Շուշան Սարդարյանը ՀՀ Մարդու իրավունքների պաշտպանին Էլ-փոստով հայտնել է, որ Արաբկիր համայնքի Շիրվանզադեի անվան դպրոցում տեղակայված թիվ 5/20 տեղամասում է գտնվել թեկնածու Լեւոն Տեր-Պետրոսյանի միաժամանակ երկու վստահված անձ, ինչը օրենքի խախում է:

Ինչպես մեզ փոխանցեց դիտորդ Մարինե Մադաթյանը, ինքը մոտեցել է Տեր-Պետրոսյանի վստահված անձանցից մեկին եւ ասել, որ օրենքը թույլ չի տալիս ընտրատեղամասում նույն թեկնածուի միաժամանակ երկու վստահված անձի ներկայությունն ու առաջարկել է, որ նրանց մեկը դուրս գա: Տեր-Պետրոսյանի վստահված երկու անձն էլ ասել են, որ դուրս չեն գալու: Դիտորդ Մադաթյանը արձանագրել է օրենքի խախտումը, որից հետո հրավիրել է ոստիկաններին եւ նրանց ուղեկցությամբ ընտրատեղամասից դուրս հրավիրել Լեւոն Տեր-Պետրոսյանի վստահված անձանցից մեկին:

Այլ միջադեպ այդ ընտրատեղամասում չի արձանագրվել: