Ձեր վստահելի աղբյուրը

Հայաստանի նախագահական ընտրություններից հետո երկրում ներդրումային ընդմիջում է սկսվել: Այս մասին այսօր կայացած մամուլի ասուլիսում հայտարարեց տնտեսագետ Էդուարդ Աղաջանովը: Նրա խոսքով, պոտենցիալ ներդրողներն այսօր դադար են վերցրել և սպասում են հետընտրական զարգացումների ավարտին:

Տնտեսագետը նկատեց, որ ոչ մի նըտրություն` ոչ նախագահական, ոչ խորհրդարանական, չի ազդում Հայաստանի տնտեսական իրավիճակի վրա: «Յուրաքանչյուր երկրում քաղաքական գործընթացների ակտիվացումը բերում է քաղաքական իրավիճակի սրմանն ու ազդում է տնտեսության վրա: Սակայն Հայաստանին դա ոչ մի կերպ չի առնչվում, քանի որ այստեղ ընթացող քաղաքական գործընթացնեըր չեն ազդում տնտեսական ցուցանիշների վրա»,- հայտարարեց Է. Աղաջանովը:
Ն ահիշեցրեց, որ նույնիսկ 2003թ., երբ երկրում տեղի ունեցան նախագահական ու խորհրդարանական ընտրությունների, Հայաստանն ապահովեց աննախադեպ տնտեսական աճ` 13.9 տոկոս:

Է. Աղաջանովի կարծիքով, դա խոսում է այն մասին, որ «քաղաքական գործընթաց, որպես այդպիսին, երկրում տեղի չի ունենում, և ընտրությունները ոչ թե քաղաքական գործընթաց է, այլև` նախապես կազմակերպված շոու»: Նրա վստահեցմամբ` «աննորմալ քաղաքական համակարգի արդյունքում երկրում աննորմալ տնտեսական համակարգ է ձևավորվել»:
Տնտեսության անհեթեթությունն, ըստ Աղաջանովի, կայանում է նրանում, որ 1997-2002թթ ընթացքում, երբ ՀՆԱ աճը կազմում էր միանիշ թիվ, արտաքին առևտրի դեֆիցիտը 27 տոկոսով կրճատվել է, իսկ այսօրվա երկնիշ աճի պարագայում այդ ցուցանիշն աճել է 420 տոկոսով` հասնելով 2.06 մլրդ դոլարի: