Ձեր վստահելի աղբյուրը

Նախագահ Սերժ Սարգսյանն այսօր հրամանագիր է ստորագրել Տիգրան ՍԱՐԳՍՅԱՆԻՆ Հայաստանի Հանրապետության վարչապետ նշանակելու մասին: Այս մասին տեղեկացանք նախագահի մամլո գրասենյակից:

Նշենք, որ Տիգրան Սուրենի Սարգսյանը ծնվել է 1960թ. հունվարի 29 Կիրովական (Վանաձոր) քաղաքում:
1967-1977- ք. Երևան, Պուշկինի անվան թիվ 8 միջնակարգ դպրոց
1977-1978- ք. Երևան, տեխնիկական թիվ 14 ուսումնարան
1978-1980- ք. Երևան, Ժողովրդական տնտեսության ինստիտուտ, պլանավորման և տնտեսության ֆակուլտետ
1980-1983- ք. Լենինգրադ, Ռուսաստան, Ն. Ա. Վոզնեսենսկու անվան ֆինանսա-տնտեսական ինստիտուտ, գերազանցության դիպլոմ
1983-1987- Ասպիրանտուրա Ն. Ա. Վոզնեսենսկու անվան ֆինանսատնտեսական ինստիտուտում, «Տարածաշրջանային սոցիալ-տնտեսական զարգացման պլանավորումը Հայաստանի օրինակով» թեմայով թեզ, տնտեսագիտական գիտությունների թեկնածու
1994- «Օրինաստեղծ գործունեություն», Իրավունքի միջազգային ինստիտուտ, ք.Վաշինգտոն, ԱՄՆ
1996-1997 -«Բանկերի արդյունավետ կառավարում», Տնտեսական զարգացման ինստիտուտ, Համաշխարհային բանկ, Վաշինգտոն, ԱՄՆ
2005-ք. Երևան, դեկտեմբերի 2-ին շնորհվել է Երևանի Պետական Տնտեսագիտական Համալսարանի պատվավոր դոկտորի կոչում:

1987-1990-Տնտեսության և պլանավորման գիտահետազոտական ինստիտուտ, ավագ գիտ.աշխատող, միջազգային տնտեսական կապերի խմբի ղեկավար
1988-1993-Երիտասարդ մասնագետների և գիտնականների հանրապետական խորհուրդ, նախագահ
1990-1991-Տնտեսական բարեփոխումների հիմնախնդիրների վերաբերյալ բանկիրների համար կազմակերպվող մշտական սեմինարների կոորդինատոր
1993-1994-Երևանի պետական համալսարան, բանկային գործի դասավանդում ՀՀ Գերագույն Խորհրդի պատգամավոր, ՀՀ Գերագույն Խորհրդի ֆինանսավարկային և բյուջետային հարցերի մշտական հանձնաժողովի նախագահ
1995-1998-Հայաստանի բանկերի ասոցիացիա, նախագահ
1995- 2008-Անցումային հասարակության հետազոտության ինստիտուտ, տնօրեն
1998 մարտի 3 -ից- ՀՀ Կենտրոնական բանկի նախագահ
2005 մարտի 2-ից- ՀՀ Կենտրոնական բանկի նախագահ (վերանշանակում)
2005-2007-Միջպետական բանկի խորհրդի նախագահ

Ընտանիքը Ամուսնացած է, ունի մեկ դուստր և մեկ որդի
Ավելին քան 20 գիտական հոդվածների հեղինակ է
Անկուսակցական է:
Ունի պահեստի սպայի զինվորական կոչում: