Ձեր վստահելի աղբյուրը

Այսօր Երևանի պետական համալսարանում նշվեց ԵՊՀ-ի հիմնադրման 90-ամյակը, որի ընթացքում տեղի ունեցավ «ԵՊՀ լավագույն ուսանող» ամենամյա մրցանակաբաշխությունը: Տոնական միջոցառմանը երգերով ու պարային համարներով հանդես եկան ԵՊՀ մշակույթի կենտրոնի սաները:

ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Արսեն Քարամյանի խոսքով, համալասարանն իր հիմնադրման տարիներից սկսած բարձրակարգ մասնագետներ է պատրաստել «հանրային կյանքի տարբեր ոլորտների համար»:

Նրա խոսքով, 2009 թվականին լույս կտեսնի ԵՊՀ-ի 90-ամյա տարեգրությունը,1940-60 –ական թվականների ԵՊՀ-ի պատմությունը: Նա նշեց, որ ԵՊՀ հիմնադրման 90-ամյակին նվիրված բուն միջոցառումները 2009 թվականի հունվարի 31-ին կմեկնարկեն Գյումրիում: 1920 թվականին հենց այդտեղ է տեղի ունեցել Հայաստանի առաջին Հանրապետության կառավարության որոշմամբ հիմնադրված Երևանի համալսարանի բացման հանդիսավոր արարողությունը:

Նա անդրադառնալով «ԵՊՀ լավագույն ուսանող» մրցույթին, նշեց, որ մրցույթի նպատակն է խրախուսել ուսանողներին, որ նրանք լավ սովորեն, լինել լավ համալսարանականներ: Ա. Քարամյանը հայտնեց, որ այս մրցույթն անցկացվում է արդեն 8-րդ անգամ: Նրա խոսքով, այսօր ԵՊՀ ունի բազմաթիվ լավ ուսանողներ, որոնք հաստատ իրենց ավանդը կունենան երկրի զարգացման գործում:
«ԵՊՀ լավագույն ուսանող» մրցույթին նախ համալսարանի բոլոր 20 ֆակուլտետները ներկայացրել են իրենց ֆակուլտետի 3 լավագույն ուսանողներին: Յուրաքանչյուրից ժյուրին ընտրել է մեկական:

Այսպիսով` ԵՊՀ լավագույն ուսանողներն են
աստվածաբանության ֆակուլտետ`  Նարեկ Աշուղոթյան
փիլիսոփայության և հոգեբանության ֆակուլտետից` Հայաստան Սերոբյան
ֆիզիկայի ֆակուլտետ` Ժիրայր Ավետիսյան
արևելագիտության ֆակուլտետից` Էդգար Մակարյան
տնտեսագիտության ֆակուլտետից` Վարդուհի Ավետիսյան
սոցոլոգիայի ֆակուլտետից`  Լիլիթ Մանուկյան
քիմիայի ֆակուլտետից` Մերի Կիրակոսյան
ռադիոֆիզիկայի ֆակուլտետից` Իրինա Գալստյան
ռոմանոգերմանական -բանասիրությկան ֆակուլտետից` Արմինե Սաֆարյան
ժուռնալիստիկայի ֆակուլտետից` Մարիաննա Փատյան
միջազգային հարաբերությունների ֆակուլտետից` Ցոլակ Ակոբյան
իրավագիտության ֆակուլտետից`Անահիտ Մանասյան
մաթեմատիկայի ֆակուլտետից` Հրաչյա Հարությունյան
պատմության ֆակուլտետից` Նելի Սմբատյան
կենսաբանության ֆակուլտետից` Ռաֆայել Այվազյան
երկրաբանության ֆակուլտետից` Անի Վարդանյան
աշխարհագրության ֆակուլտետից` Արփինե Թումանյան
ինֆորմատիկայի ֆակուլտետից` Նարինե Մանուկյանը:

Բոլոր լավագույն ուսանողներին հանձնեցին ԵՊՀ արձաթե մեդալ և պատվոգրեր: