Ձեր վստահելի աղբյուրը

Նախագահ Սերժ Սարգսյանը վստահություն է հայտնել, որ գազի գնի բարձրացումը երկրում լուրջ ցնցումների չի բերի: Ռուսական «Կոմերսանտին» տված հարցազրույցում Ս. Սարգսյանը նշել է, որ չի ցանկանում խոսել թվերի մասին մինչ այն պահը, երբ այդ թվերը չդվեն սեղանին և չստորագրվեն:

«Մեզ համար հարմար կլիներ, եթե գների բարձրացումը սահուն լիներ»,-ասել է նախագահը: Բացի դա, նա նշել է, որ Հայաստանը և Ռուսաստանը ռազմավարական դաշնակիցներ են «պետք չէ մոռանալ, որ Գազպրոմի գազը Հայաստանում իրացնում է «Հայռուսգազարդ» ընկերությունը»: «Այս ձեռնարկությունը իրականացրել է երկրի գազիֆիկացման հավակնոտ խնդիր և այժմ ծածկում կազմում է հանրապետըության տարածքի 90 տոկոս: Բաժնետոմսերի 70 տոկոսը պատկանում է «Գազպրոմին» և ես կարծում եմ, որ ռուսական ընկերությունը հաշվի կառնի այդ ձեռնարկության շահերը»,- ասել է Հայաստանի ղեկավարը: Միաժամանակ նա վստահություն է հայտնել, որ Հայաստանը սահուն կանցնի եվրոպական գներին:

Խոսելով այն մասին, թե որքանով է իրատեսական, որ գազի նոր գինը կհաստատվի հազար խորանարդ մետրի համար 165 դոլար, Սերժ Սարգսյանը նշել է. «Կարող է պատահել: Պետք է հաշվի առնել, որ մենք կրկնակի հարկումից խուսափելու մասին համաձայնագիր ունենք: Մենք այն վավերացրել ենք և սպասում ենք, թե դա երբ կանի Ռուսաստանը: Այսինքն մենք հնարավորություն կունենանք վերջնական գնից 18 տոկոս նվազեցնել»: