Ձեր վստահելի աղբյուրը

«Ոսկե ծիրան» երևանյան հինգերորդ միջազգային կինոփառատոնի մեկնարկից առաջ լրագրողների համար կազմակերպում է ֆիլմերի ցուցադրություն: Այս մասին Panorama.am-ին հայտնեց փառատոնի մամլո քարտուղար Մերի Մուսինյանը: «7 օրվա ընթացքում լրագրողները հնարավորություն կունենան դիտել ֆիլմեր փառատոնի մրցութային և արտամրցութային ծրագրերից: Ցուցադրություններում ընդգրկված են նաև փառատոնի բացման և փակման ֆիլմերը»,-ասաց նա:

Ֆիլմերը ցուցադրվելու են Թատերական Գործիչների Միության շենքի 3-րդ հարկի սրահում: Յուրաքանչյուր օր ցուցադրվելու են երեք ֆիլմ: Ցուցադրությունները սկսվում են ժամը 15. 00-ից:

Հուլիսի 1-7-ը ներկայացվելու են հետևյալ ֆիլմերը.
Հուլիսի 1.
«Դուշկա»- ռեժ. Ջո Ստելլինգ, Հոլանդիա (խաղարկային ֆիլմ), 110 ր.
«Քողարկված դեմքեր» - ռեժ. Հանդան Իփեկսի, Թուրքիա (խաղարկային ֆիլմ), 127 ր.
«Գաթա» –ռեժ. Դիանա Մկրտչյան, Ռուսաստան, (Հայկական համայնապատկեր),10 ր.

Հուլիսի 2
«Կարմիր Կոմբայնը»- ռեժ. Կայ Չանգժուն, Չինաստան (խաղարկային ֆիլմ), 101ր.
«Դրախտի թռչուններ»- ռեժ. Ռոման Բալայան, Ուկրաինա (բացման ֆիլմ), 94 ր.
«Երկրորդ շունչը»-ռեժ. Վարանդ Սուջյան, Ֆրանսիա (Հայկական համայնապատկեր), 18 ր.

Հուլիսի 3
«Այս գեղեցիկ քաղաքը» – ռեժ. Էդ Գաս-Դոնելի, Կանադա (խաղարկային ֆիլմ), 87 ր.
«Սեպտեմբեր» – ռեժ. Կարլս Բոշ, Իսպանիա (վավերագրական ֆիլմ), 113 ր.
«Փոխակերպում»-ռեժ. Արման Թադևոսյան, Հայաստան (Հայկական համայնապատկեր), 10 ր.

Հուլիսի 4
«Հրաշալի քաղաք» - ռեժ. Ադիտա Ասարաթ, Թայլանդ (խաղարկային ֆիլմ), 92 ր.
«Աշխարհի վերջը» - ռեժ. Աբոլֆազի Աֆարի, Իրան (խաղարկային ֆիլմ), 75 ր.
«Ծիծեռնակի բույնը» ռեժ. Բյուլենթ Արինլի, Թուրքիա (արտամրցութային ծրագիր), 21ր.

Հուլիսի 5
«Իմ Մարլոնը և Բրանդոն»-ռեժ. Հուսեյն Կարբեյ, Թուրքիա (Ռեժիսորներ առանց սահմանների) ծրագիր, 92 ր.
«Կարմիր սառնարանի ճանապարհորդությունը»-ռեժ. Նատաշա Ստանկովիչ, Լուսիան Մոնտեն (վավերագրական ֆիլմերի ծրագիր), 52 ր.
«1937»-ռեժ. Նորա Մարտիրոսյան, Հայաստան-Ֆրանսիա, (Հայկական համայնապատկեր), 44 ր.

Հուլիսի 7
«Երկրպագություն»- ռեժ. Ատոմ Էգոյան, Ֆրանսիա, (փակման ֆիլմ), 100 ր.
«Կապույտ ժամը»- ռեժ. Էրիկ Նազարյան, ԱՄՆ, (Հայկական համայնապատկեր), 93 ր.

Հիշեցնենք, որ «Ոսկե ծիրան» երևանյան հինգերորդ միջազգային կինոփառատոնը տեղի է ունենալու հուլիսի 13-20-ը: Փառատոնն առաջին անգամ անցկացվել է 2004 թ.` հունիսի 30-ից հուլիսի 4-ը: