Ձեր վստահելի աղբյուրը

Հայաստանի ներկայացուցիչ, Օլիմպիական չեմպիոն, գրոսսմայստեր Լևոն Արոնյանը կմասնակցի ՖԻԴԵ-ի Գրան-պրի մրցաշարի երկրորդ փուլին:

Գրան-պրիի երկրորդ փուլը կայանալու է հուլիսի 30-ից օգոստոսի 15-ը` Սոչիում: Այստեղ մրցելու են, ըստ վարկանիշների, Վասիլիլ Իվանչուկը (2781, Ուկրաինա), Թեյմուր Ռաջաբովը (2744, Ադրեջան), Պյոտր Սվիդլերը (2738, Ռուսաստան), Լևոն Արոնյանը (2737, Հայաստան), Ալեքսանդր Գրիշչուկը (2728, Ռուսաստան), Սերգեյ Կարյակինը (2727, Ուկրաինա), Գատա Կամսկին (2723, ԱՄՆ), Բորիս Գելֆանդը (2720, Իսրայել), Վուգար Հաշիմովը (2717, Ադրբեջան), Դմիտրի Յակովենկոն (2709, Ռուսաստան), Իվան Չեպարինովը (2687, Բուլղարիա), Դավիդ Նավարան (2646, Չեխիա) և Մոհամմեդ Ալ Մոդիյահին (2556, Քատար):

Գրան-պրի մրցաշարում մասնակիցները պայքարու են շրջանաձև մրցակարգով, որի դեպքում նրանցից յուրաքանչյուրը պարտադիր հանդիպում է մյուս մասնակիցների հետ: Մրցաշարի Սոչիի փուլում խաղային են լինելու հուլիսի 31-ին, օգոստոսի 1-5-ը, 7-9-ը, 12-14-ը: Յուրաքանչյուր հերթական տուր մեկնարկելու է Երևանի ժամանակով ժամը 16:00-ին: Մրցաշարի մրցանակային հինմադրամը կազմում է 300 000 եվրո:

Հիշեցնենք, որ Գրան-պրիի առաջին փուլը տեղի էր ունեցել այս տարվա ապրիլի 20-ից մայիսի 6-ը`Բաքվում: Լևոն Արոնյանը հրաժարվել էր մասնակցել Բաքվում անցկացվող մրցաշարին: Այնտեղ 1-3-րդ հորիզոնականները բաժանել էին նորվեգացի Մագնուս Կարլսենը, չին Վան Յուեն և ադրբեջանցի Վուգար Հաշիմովը:

Տեղեկացնենք նաև, որ Պրոֆեսսիոնալ շախմատի ասոցիացիայի կազմավծ վարկանիշով Լևոն Արոնյանը օրերս ճանաչվեց երրորդը աշխարհում: Այս վարկածով ուժեղագույնների շարքու մնա զիջում է միայն հնդիկ Վիշվանաթան Անանդին ու ուկրաինացի Վասիլի Իվանչուկին: