Ձեր վստահելի աղբյուրը

Հայաստանի Շախմատի ֆեդերացիան ամփոփեց 2007-08 թթ. արածն ու չարածը, ոլորտում տեղի ունեցած իրադարձություններն ու հաջողությունները: Մինչ կոնֆերանսի պաշտոնական մեկնարկը, հավքավածները մեկ րոպե լռությամբ հարգեցին Կարեն Ասրյանի հիշատակը: 137 շախմատային պատգամավորներից կոնֆերանսին ներկա էին 129-ը: Կոնֆերանսին հաշվետվությամբ հանդես եկավ Հայաստանի շախմատի ֆեդերացիայի փոխնախագահ Սմբատ Լպուտյանը:

Փոխնագահն առանձին-առանձին անդրադարձավ շախմատային տավա մասսայականությանը, բացթողումներին և հաջողություններին: Փոխնախագահը շեշտեց, որ շախմատային կյանքը մեր օրերում աշխուժանում է և դրան ուղղված ջանքերը պիտի մեկտեղել: 42 քաղաքներում այսօր կան շախմատային կենտրոններ, 17-ը միայն 2007-ին են կառուցվել:

Սմբատ Լպուտյանը նշեց, որ այսօր առաջին քայլերն են արվում` շախմատը քաղաքից մարզ տեղափոխելու ուղղությամբ: 15-16 հազար դպրոցական այսօր հաճախում են շախմատի խմբակներ:

Միայն ՀՕՄ ջանքերով ֆեդերացիան 3400 շախմատ է գնել և բաժանել գյուղական համայնքներում, սակայն խնդիրը, ըստ փոխնախագահի ամբողջովին լուծված չէ, քանի որ, օրինակ, Արմավիրում այսօր շախմատի խմբակ է հաճախում 50 պատանի, մինչդեռ նախկինում նրանց թիվն անցնում էր 400-ից: Նույն պատկերն է նաև Գորիսում:

2007-08 թթ. կազմակերպվել են 9 միջազգային մրցաշար, վերապատրաստման դասընթացներ մարզչական և մրցավարական կազմի համար:

Ֆեդերացիան հասցրել է տարբեր համայնքերում 4 հազարից ավելի շախմատային տախտակներով վերազինել դարբեր հաստատություններ, գնել են 1 150 աթոռ, 600 սեղան, 8 էլեկտրոնային շախմատային տախտակ և ստեղծել ինտերնետային կայք:
Անդրադառնալով հաջողություններին` փոխնախագահը, իհակե, առանձնացերց Դրեզդենյան տրիումֆը և նշեց, որ մեր շախմատիստները հաղթող են ճանաչվել նաև 30-ից ավելի միջազգային մրցաշարերում: Գրոյսմայստերների թիվն այս տարի ավելացել է 7-ով: